- ఎమ్మెల్సీ దాసోజు శ్రవణ్
హైదరాబాద్, వెలుగు: అబద్ధాలు, మోసాల పునాదులపై సీఎం రేవంత్రెడ్డి రాజకీయం చేస్తున్నారని, ప్రజలను తప్పుదోవ పట్టిస్తున్నారని బీఆర్ఎస్ ఎమ్మెల్సీ దాసోజు శ్రవణ్ఆరోపించారు. రూ.3.47 లక్షల కోట్ల అప్పులు తెచ్చానని చెప్పిన ముఖ్యమంత్రి.. రూ.3.30 లక్షల కోట్ల అప్పులు తీర్చానని అబద్ధం చెప్పారన్నారు. ప్రభుత్వం కట్టిన అప్పులు రూ.1.67 లక్షల కోట్లేనని తెలిపారు. ఆదివారం తెలంగాణ భవన్లో ఆయన మీడియాతో మాట్లాడారు. అసెంబ్లీ వేదికగా మాజీ సీఎం కేసీఆర్ను ముఖ్యమంత్రి బద్నాం చేస్తున్నారని, కేసీఆర్ రూ.8 లక్షల కోట్ల అప్పు చేశారంటూ దుష్ప్రచారం చేశారని మండిపడ్డారు.
గవర్నర్ప్రసంగం అబద్ధమని తాను మండలిలో మాట్లాడితే అభ్యంతరం తెలిపారని, కానీ, అసెంబ్లీలో సీఎం రేవంత్రెడ్డి అబద్ధాలు మాట్లాడితే ఏం చేయాలో ప్రజలే తేల్చాలని కోరారు. ఆరు గ్యారంటీలపై కేటీఆర్ ప్రవేశపెట్టే ప్రైవేట్ మెంబర్ బిల్లుకు సభ్యులందరూ మద్దతు తెలపాలన్నారు. బడ్జెట్లో విద్యాశాఖకు 8 శాతం నిధులే ఇచ్చారని, దీనిపై విద్యా కమిషన్చైర్మన్ ఆకునూరి మురళి, సభ్యులు స్పందించాలని డిమాండ్ చేశారు.
