కలహాలు లేని కాపురాలు ఉండవని పెద్దలు అంటారు. అలాగే, ఒకరి అభిప్రాయాలను ఇంకొకరు గౌరవించుకుంటూ ముందుకు సాగిపోవాలని చెబుతుంటారు. అయితే, కొన్నిసార్లు అభిప్రాయ బేధాలు వచ్చి విడిపోవాలని అనుకుంటారు. ఈ క్రమంలో భార్యభర్తలు విడాకులు తీసుకుని విడిపోతే కోర్టులు భర్తను ..భార్యకు భరణం ఇవ్వాల్సిందిగా ఆదేశిస్తాయి. ఇది సర్వసాధారణం. కానీ, ఓ విడాకులు కేసులో సీన్ రివర్స్ అయ్యింది. భర్త ..భార్యకు భరణం ఇవ్వటం కాదు ..భార్యే ..భర్తకు భరణం ఇవ్వాలి అని లండన్ డిప్యూటీ హైకోర్టు సంచలన తీర్పునిచ్చింది.
జనరల్‌గా.. భార్యకు భర్త భరణం ఇవ్వడం అనే అంశం చూస్తుంటాం. కానీ.. భర్తకు భార్య భరణం ఇవ్వడం అనేది కొత్త పాయింట్. ఇందులోనూ ఆసక్తికర ట్విస్ట్ ఉంది. ఎంతైనా కోర్టులు కోర్టులే. అవి ఇచ్చే తీర్పులు ఎప్పుడూ ఆసక్తికరమే. ఈ కేసేంటో చూద్దాం.
ప్రపంచ ధనవంతులు భార్యకు విడాకులు ఇస్తూ వందల కోట్ల సంపదను భరణంగా చెల్లించారని ఈ మధ్య తరచూ వార్తల్లో చూస్తున్నాం. దేశంలో, రాష్ట్రంలోనూ అప్పుడప్పుడూ ఇలాంటివి జరుగుతుండటం మామూలే. కానీ లండన్ కోర్టు భిన్నమైన తీర్పు ఇచ్చింది. ఈ జంటకు విడాకులు మంజూరు చేస్తూనే.. సదరు భర్తకు భార్య 66 కోట్ల ప్యాకేజీతో పాడు ఏడాదికి 61 లక్షల రూపాయిలు భరణంగా చెల్లించాలని ఆదేశించింది.
లండన్‌లోని ఒక వ్యాపార కుటుంబానికి సంబంధించిన కేసు.. లూయిస్ బ్యాక్‌స్ట్రోమ్ ..మార్టిన్ వీన్‌బర్గ్ ఆరేళ్ల క్రితం వివాహం చేసుకున్నారు. తరువాత వారి మధ్య మనస్పర్ధలు రావడంతో వీరి విడాకుల విషయం కోర్టుకు చేరింది. దీంతో వీన్‌బర్గ్ తనకు రూ.4 బిలియన్లు అవసరమని కోర్టుకు వివరించింది. అయితే ఇందుకోసం రకరకాల వాదనలను ఉదహరించాడు. అయితే ఆయన భార్య కంపెనీలో ఉద్యోగిగా ఉన్నాడు. అయితే ఆ డిమాండ్‌ను కోర్టు తోసిపుచ్చింది. అయితే పెళ్లికి ముందు ఉన్న నిబంధనల ప్రకారం మాత్రమే డబ్బు ఇవ్వాల్సి ఉంటుందని డిప్యూటీ హైకోర్టు జస్టిస్ లెస్లీ శామ్యూల్స్ తెలిపారు. అయితే, ఇరుపక్షాల వాదనలు విన్న లండన్ డిప్యూటీ హైకోర్టు.. భర్తకు భార్య భరణం ఇవ్వాల్సిందేనని తీర్పు వెలువరించింది.
బ్యాక్‌స్ట్రామ్‌ ఆస్తుల విలువ రూ.25 బిలియన్లు
విడిపోయిన భర్తకు 6.5 మిలియన్ పౌండ్ల (దాదాపు రూ. 66 కోట్లు) ప్యాకేజీ ఇవ్వాలని బ్యాక్‌స్ట్రామ్‌ను కోర్టు ఆదేశించింది. అలాగే, అతని రోజువారీ ఖర్చుల కోసం అతనికి ప్రతి సంవత్సరం 60,000 పౌండ్లు అంటే దాదాపు 61 లక్షల రూపాయలు ఇస్తూ ఉండాలని తీర్పు వెలువరించింది. వివాహం జరిగినప్పుడు, బ్యాక్‌స్ట్రోమ్ బిల్టిమా ఫౌండేషన్ అధ్యక్షుడని చెప్పారని కోర్టుకు తెలిపారు. అతనికి బిర్గ్మా హోల్డింగ్స్ (హాంకాంగ్) లిమిటెడ్‌లో వాటాలు కూడా ఉన్నాయి. ఈ రెండు కంపెనీలూ తన తాత ప్రారంభించినవేనని.. ప్రస్తుతం ఆయన ఆస్తుల విలువ దాదాపు 25 వేల కోట్ల రూపాయలు. కాగా వెబ్ క్లాస్ ఆస్తులు కేవలం రూ.2 కోట్లు మాత్రమే.
కోటీశ్వరుల విడాకుల కేసులు
కోటీశ్వరుల విడాకుల కేసులను మీరు విని ఉంటారు. భార్యలకు వేలకోట్లు, మరికొందరు కోట్లు ఇచ్చారు. ఒకప్పుడు ప్రపంచంలోనే అత్యంత సంపన్నుడైన జెఫ్ బెజోస్ తన భార్య మెకెంజీతో విడిపోయినప్పుడు, అతను 38 బిలియన్ డాలర్లు అంటే దాదాపు 2.6 లక్షల కోట్ల రూపాయలు ఇచ్చాడు. 2016లో స్యూ గ్రాస్ తన భర్త బిల్లుకు విడాకులు ఇచ్చినప్పుడు, ఆమెకు 1.3 బిలియన్ డాలర్ల ఆస్తి వచ్చింది. కాసినో అనుభవజ్ఞుడైన స్టీవ్ విన్ తన భార్యకు విడాకులు ఇచ్చినప్పుడు, ఎలైన్ విన్ సుమారు $ 795 మిలియన్ల విలువైన షేర్లను పొందాడు. కానీ ఈ కథ అందుకు పూర్తి విరుద్ధంగా ఉంది. ఇందులో భర్తకు భార్య భారీ మొత్తం ఇవ్వబోతుంది.
