కెనడా టొరంటోలోని ఒక టిక్‌టాకర్ "75 హార్డ్" అనే వైరల్ ఫిట్‌నెస్ ఛాలెంజ్‌లో పాల్గొని ఆసుపత్రిలో చేరింది. ఈ ఛాలెంజ్‌లో ఒక వ్యక్తి రోజుకు రెండుసార్లు కఠినమైన వర్కవుట్‌లు చేయడం, కఠినమైన ఆహార నియమాలు, ఒక గ్యాలన్ నీటిని (గాలన్ = 26.4978 లీటర్లు) తీసుకోవాలి. రోజూ నీరు, మద్యం లేదా మీల్స్ తీసుకోకూడదు . ఇందులో పాల్గొనేవారు తప్పనిసరిగా 45 నిమిషాల పాటు వ్యాయామం చేయాలి, రోజుకు 10 పేజీలు చదవాలి, రోజువారీ పురోగతిని ఫోటో తీయాలి.
మిచెల్ ఫెయిర్‌బర్న్ అనే మహిళ రియల్టర్.. టిక్‌టాక్‌లో ఒక వీడియోను పంచుకున్నారు. అధిక నీటి వినియోగం వల్ల తనకు నీటి పాయిజన్ ఏర్పడిందని తాను భావిస్తున్నానని, వికారం, బలహీనత కూడా ఉన్నాయని తెలిపింది. రాత్రంతా విరేచనాలుప, ఏమీ తినాలనిపించకపోవడం వంటి లక్షణాలు కూడా ఉన్నట్టు వెల్లడించింది.
ఫెయిర్‌బర్న్ చివరికి ఆసుపత్రికి వెళ్లింది. అక్కడ ఆమెకు తీవ్రమైన సోడియం లోపం ఉన్నట్లు నిర్ధారణ అయింది. దీనికి చికిత్స చేయకుండా వదిలేస్తే ప్రాణాపాయం కావచ్చు. కాబట్టి రోజుకు నాలుగు లీటర్లు కాకుండా అర లీటరు కంటే తక్కువ నీరు తాగాలని డాక్టర్ ఆమెకు సూచించారు.
ఈ సందర్భంగా ఆరోగ్య భయం ఉన్నప్పటికీ, ఫెయిర్‌బర్న్ ఛాలెంజ్‌ను కొనసాగించాలనే తన కృతనిశ్చయాన్ని వ్యక్తం చేసింది. తాను వదులుకోనని పేర్కొంది. "75 హార్డ్" ఛాలెంజ్‌ని సప్లిమెంట్ కంపెనీ పోడ్‌కాస్టర్, CEO అయిన ఆండీ ఫ్రిసెల్లా దీన్ని సృష్టించారు. ఈ ఛాలెంజ్ ను కొంతమంది నిపుణులు కూడా విమర్శించారు. ఇది బర్న్‌అవుట్‌కు దారితీసే అవకాశం ఉందని ఆందోళన వ్యక్తం చేశారు.
"సోడియం లోపం నిజానికి ప్రాణాంతకం కావచ్చు. కాబట్టి ఇప్పుడు నేను ఆసుపత్రికి వెళుతున్నాను. వారు ప్రతిదీ టెస్ట్ చేయబోతున్నారు. నేను ఇప్పటికీ 75 హార్డ్ ఛాలెంజ్ చేస్తున్నాను, నేను దీన్ని వదులుకోను. కానీ రోజుకు అర లీటరు కంటే తక్కువ నీరు త్రాగాలి అని వైద్యులు చెప్పారు. దీని వల్ల నిజంగా ఇలా జరిగిందంటే నేను నమ్మలేకపోతున్నాను”అని ఆమె తన వీడియోలలో చెప్పారు.
