హైదరాబాద్, వెలుగు: నీట్ పరీక్ష రద్దుకు కేంద్ర ప్రభుత్వమే పూర్తి బాధ్యత వహించాల ని కాంగ్రెస్ ఎంపీ చామల కిరణ్ కుమార్ రెడ్డి డిమాండ్ చేశారు. మంగళవారం ఆయ న హైదరాబాద్లో మీడియాకు ఓ ప్రకటన విడుదల చేశారు. నీట్ రద్దుతో విద్యార్థులు ఈ విద్యా సంవత్సరాన్ని కోల్పోయే ప్రమాదం ఉందని చామల ఆందోళన వ్యక్తం చేశారు. పరీక్ష రద్దుపై బీజేపీ ప్రభుత్వం దేశ వ్యాప్తంగా చర్చ చేపట్టాలని కోరారు. విద్యార్థుల భవిష్యత్తుపై బీజేపీ ప్రభుత్వ నిర్లక్ష్యం.. నీట్ ప్రశ్నాపత్రం లీకేజీ, రద్దుతో మరోసారి తేటతెల్లమైందన్నారు. రాజస్తాన్లో జరిగిన నీట్ ప్రశ్నాపత్రం లీకేజీ ఘటనపై కేంద్రం పూర్తిస్థాయిలో దర్యాప్తు చేపట్టి బాధ్యులైన వారిపై కఠిన చర్యలు చేపట్టాలని చామల డిమాండ్ చేశారు.
