గచ్చిబౌలి, వెలుగు: మ్యాట్రిమోనీ యాప్లో పరిచయమైన యువతిని పెండ్లి చేసుకుంటానని నమ్మించి, రూ.70 లక్షలు వసూలు చేసిన వ్యక్తిని సైబరాబాద్సైబర్ క్రైమ్పోలీసులు అరెస్ట్ చేశారు. పోలీసులు తెలిపిన వివరాల ప్రకారం.. బండ్లగూడకు చెందిన యువతి(32) పెండ్లి కొడుకు కోసం తన వివరాలను తెలుగు మ్యాట్రిమోనీ యాప్లో అప్లోడ్ చేసింది. ఏపీలోని కృష్ణా జిల్లాకు చెందిన డి.రాజేశ్(40) కూడా తన వివరాలను మ్యాట్రిమోనీలో అప్లోడ్ చేశాడు. అలా ఒకరి ప్రొఫైల్ను మరొకరు చూసుకున్నారు. తర్వాత ఇద్దరూ వాట్సాప్ చాటింగ్, ఫోన్కాల్స్ చేసుకోవడం మొదలుపెట్టారు.
కొన్నిరోజులు గడిచాక రాజేశ్తనకు ఆర్థిక ఇబ్బందులు ఉన్నాయని చెప్పి, యువతి వద్ద రూ. 2 లక్షలు తీసుకున్నాడు. కొన్నాళ్ల తర్వాత వీసా, ఇతర కారణాలు చెప్పి మరోసారి డబ్బు అడిగాడు. అతని వలలో పడిన యువతి తెలిసిన వ్యక్తుల వద్ద, గోల్డ్లోన్, హోం లోన్ తీసుకుని రాజేశ్కు రూ.52 లక్షలు ఇచ్చింది. అలాగే పర్సనల్లోన్స్ తీసుకొని మరికొంత మొత్తం ఇచ్చింది. ఇటీవల రాజేశ్వద్ద పెండ్లి ప్రస్తావన తీసుకురాగా, బాడీ షేమింగ్చేయడంతోపాటు మానసికంగా వేధించడం మొదలుపెట్టాడు. చివరికి పెండ్లికి నిరాకరించాడు. దీంతో తాను ఇచ్చిన డబ్బు తిరిగి ఇచ్చేయాలని బాధితురాలు రాజేష్ను కోరగా, స్పందించలేదు. దీంతో ఆమె సైబర్ క్రైమ్ పోలీసులను ఆశ్రయించింది.
పెండ్లి పేరుతో రాజేశ్తన వద్ద రూ.70లక్షలు తీసుకున్నాడని, తిరిగి ఇప్పించాలని ఫిర్యాదులో పేర్కొంది. కేసు నమోదు చేసుకున్న పోలీసులు నిందితుడిని అరెస్ట్ చేశారు. కాగా రాజేశ్మ్యాట్రిమోనీ సైట్ లో పరిచయమైన అమ్మాయిలను పెండ్లి చేసుకుంటానని నమ్మించి డబ్బు వసూలు చేసేవాడని పోలీసులు గుర్తించారు. ఆ మొత్తాన్ని స్టాక్మార్కెట్లో, క్రిప్టో కరెన్సీలో ఇన్వెస్ట్మెంట్చేసేవాడని తెలుసుకున్నారు. గాంబ్లింగ్, లగ్జరీ లైఫ్ కు అలవాటుపడిన రాజేశ్ అమ్మాయిలను మోసం చేస్తూ వస్తున్నాడని పోలీసులు తెలిపారు.
