- దమ్ముంటే కొండా విశ్వేశ్వర్రెడ్డి చేస్తున్న ఆరోపణలను నిరూపించాలి
- చేవెళ్ల కాంగ్రెస్ ఎంపీ అభ్యర్థి రంజిత్రెడ్డి
చేవెళ్ల, వెలుగు : కొండా విశ్వేశ్వర్రెడ్డి రుజువులు లేకుండా తనపై నోటికొచ్చినట్లు మాట్లాడితే ఊరుకునేది లేదని చేవెళ్ల కాంగ్రెస్ ఎంపీ అభ్యర్థి గడ్డం రంజిత్రెడ్డి హెచ్చరించారు. దమ్ముంటే ఆరోపణలను నిరూపించాలని, విశ్వేశ్వర్రెడ్డితో చర్చకు సిద్ధమని సవాల్విసిరారు. గురువారం రాత్రి రంజిత్రెడ్డి చేవెళ్లలోని షాబాద్ చౌరస్తా నుంచి మహానీయుల చౌరస్తా వరకు భారీ ర్యాలీ నిర్వహించారు. అక్కడ ఏర్పాటు చేసిన కార్నర్మీటింగులో పాల్గొని మాట్లాడారు.
ఎన్నికల్లో పోటీ పడాలని కానీ.. ఎదుటివాళ్లపై బురద జల్లకూడదన్నారు. విశ్వేశ్వర్రెడ్డి అపోలో హాస్పిటల్లో ఎంత మందికి డిస్కౌంట్లు ఇచ్చారని ప్రశ్నించారు. కరోనా టైంలో చేవెళ్ల ప్రజలను పట్టించుకున్న పాపనపోలేదని, భార్య, పిల్లలు వద్దన్నారని ఇంటికే పరిమితమైన ఆయన తనపై అసత్య ఆరోపణలు చేయడం కరెక్ట్కాదన్నారు. తానెవరో తెలియని సమయంలో చేవెళ్ల ప్రజలు ఎంపీగా గెలిపించారని, గుండెల్లో పెట్టుకున్నారన్నారు. సొంత నిధులతో చేవెళ్ల బస్స్టేషన్విస్తరణ పనులు చేయించానని, మినీ స్టేడియం నిర్మించానని చెప్పారు.
చేవెళ్ల– హైదరాబాద్హైవే నిర్మాణానికి నిధులు తీసుకొచ్చానని తెలిపారు. బీజేపీ ప్రభుత్వం యువతను మభ్యపెట్టి పబ్బం గడుపుతోందన్నారు. కార్యక్రమంలో చేవెళ్ల నియోజకవర్గ ఇన్చార్జ్పామెన భీం భరత్, కాలుష్య నియంత్రణ మండలి సభ్యుడు చింపుల సత్యనారాయణరెడ్డి, జడ్పీటీసీ మెంబర్మాలతి కృష్ణారెడ్డి, పీఏసీఎస్ చైర్మన్లు దేవర వెంకట్రెడ్డి, గోనే ప్రతాప్రెడ్డి, ఎంపీటీసీలు వసంతం, గుండాల రాములు, నాయకులు శైలజ, రాంరెడ్డి, హన్మంత్రెడ్డి, నర్సింహులు, వీరేందర్రెడ్డి, ప్రభాకర్ తదితరులు పాల్గొన్నారు.
300 మంది కాంగ్రెస్లో చేరిక
తాండూరు : బీజేపీ చేస్తున్న అసత్య ప్రచారాన్ని నమ్మొద్దని చేవెళ్ల కాంగ్రెస్ ఎంపీ అభ్యర్థి గడ్డం రంజిత్రెడ్డి కోరారు. గురువారం తాండూరులోని వివిధ పార్టీలకు చెందిన 300 మంది నాయకులు, కార్యకర్తలు రంజిత్ రెడ్డి సమక్షంలో కాంగ్రెస్లో చేరారు.అంతకు ముందు ఎన్నికల ప్రచారంలో భాగంగా పెద్దేముల్, మంబాపూర్, కందనెల్లి గ్రామాల్లో రంజిత్ రెడ్డి రోడ్ షో నిర్వహించారు. తాండూరు ఎమ్మెల్యే మనోహర్ రెడ్డి పాల్గొన్నారు.
