ఛత్తీస్గఢ్ రాష్ట్రంలో గౌరా గౌరీ పూజ కార్యక్రమం ఘనంగా నిర్వహించారు. ఈ కార్యక్రమానికి ఆ రాష్ట్ర ముఖ్యమంత్రి భూపేశ్బఘేల్ హాజరయ్యారు. ఆచారంలో భాగంగా కొరడా ఝులిపించుకున్నారు సీఎం బఘేల్. దుర్గ్ జిల్లాలోని జాంజ్గీర్ గ్రామంలో కన్నుల పండువగా జరిగిన 'గౌరా గౌరీ' పూజకు భక్తులు, ప్రజలు పెద్ద ఎత్తున తరలివచ్చారు.
ఛత్తీస్గఢ్ రాష్ట్ర ప్రజల శ్రేయస్సు కోసమే తాను కొరడా దెబ్బలు తిన్నానని చెప్పారు సీఎం బఘేల్. గౌరా గౌరీ ముందు అందరూ సమానమే అని, ఈ పండుగ సమానత్వాన్ని సూచిస్తుందన్నారు బఘేల్.
దీపావళి పండుగ సమయంలో గోండు తెగ ప్రజలు ఈ పూజను నిర్వహిస్తారు. మొదట నది ఒడ్డుకు వెళ్లి మట్టిని సేకరిస్తారు. అదే రోజు రాత్రి ఒకరి ఇంట్లో శివుడిని.. మరొకరి ఇంట్లో పార్వతీ దేవిని తయారు చేస్తారు. అనంతరం శివపార్వతుల కల్యాణం జరుపుతారు. ఈ సంప్రదాయాన్ని 'సోటా' అంటారు.
ALSO READ :- AI పిన్ వచ్చేస్తుంది.. స్మార్ట్ ఫోన్లు మాయం.. ఇవి ఎలా పని చేస్తాయంటే..!
ఛత్తీస్గఢ్ రాష్ట్రంలో ప్రస్తుతం ఎన్నికల హడావుడి కొనసాగుతోంది. రాష్ట్రంలో 90 అసెంబ్లీ సీట్లు ఉండగా.. నవంబర్ 7వ తేదీన 20 స్థానాలకు ఎన్నికలు జరిగాయి. మిగతా 70 స్థానాలకు నవంబర్17వ తేదీన ఎన్నికలు జరగనున్నాయి. డిసెంబర్3వ తేదీన ఓట్ల లెక్కింపు జరగనుంది.
LIVE: गौरा-गौरी पूजन समारोह (जंजगिरी, दुर्ग) https://t.co/aYkczEOibU
— Bhupesh Baghel (@bhupeshbaghel) November 13, 2023
