కోల్బెల్ట్, వెలుగు: చైల్డ్ పోర్న్ వీడియోలను సోషల్ మీడియాలో షేర్ చేసిన కేసులో మంచిర్యాల జిల్లా మందమర్రికి చెందిన ఇద్దరిని పోలీసులు అరెస్ట్ చేశారు. మందమర్రి పోలీస్స్టేషన్లో సీఐ శశిధర్రెడ్డి, ఎస్సై రాజశేఖర్ మీడియాకు వివరాలు వెల్లడించారు. ఎన్సీఎంఈసీ అందించిన సమాచారం ఆధారంగా తెలంగాణ సైబర్ సెక్యూరిటీ వింగ్ ఈ కేసును మందమర్రి పోలీసులకు ట్రాన్స్ఫర్ చేసింది.
దీనిపై రెండు కేసులు నమోదు చేసి దర్యాప్తు చేపట్టారు. మంగళవారం నిందితులను అరెస్ట్ చేశామని, నాలుగు గోడల మధ్య కూర్చొని మొబైల్లో చిన్నారుల అశ్లీల వీడియోలు, ఫొటోలు చూసినా, ఇతరులకు పంపినా కొత్త టెక్నాలజీతో గుర్తించడం జరుగుతుందన్నారు. ఇంటర్నెట్లో చిన్నారుల పోర్న్ వీడియోలు వెతకడం,షేర్ చేయడం, ఫార్వర్డ్, ప్రచారం చేయడాన్ని తీవ్రమైన నేరాలుగా పరిగణిస్తారని, వీటిపై తెలంగాణ సైబర్ సెక్యూరిటీ వింగ్ దృష్టి పెడుతుందని తెలిపారు.
