న్యూఢిల్లీ: చైనాకు చెందిన స్పై షిప్...శ్రీలంకలోని హంబన్టొట పోర్ట్వైపు తన జర్నీ కొనసాగిస్తూనే ఉంది. ఇండియాపై నిఘా పెట్టేందుకు హంబన్టొట పోర్టుకు చైనా నౌక వస్తున్నదని, దాన్ని రాకుండా ఆపాలని శ్రీలంకను కేంద్రం కోరింది. నౌక రాకను వాయిదా వేయాలని శ్రీలంక సూచించినా చైనా వినిపించుకోవడం లేదు. ‘యువాన్ వాంగ్5’ అనే ఈ స్పై షిప్ బుధవారం ఉదయం 10 గంటలకు ఇండోనేషియాకు ఉత్తర దిశగా ప్రయాణిస్తోంది.
ఇదే స్పీడ్తో జర్నీ చేస్తే.. గురువారం రాత్రి 9.30 గంటల కల్లా శ్రీలంకలోని హంబన్టొట పోర్టుకు చేరుకునే చాన్స్ ఉంది. నౌకను ట్రాక్ చేస్తూ వస్తున్న ఇండియన్ గవర్నమెంట్.. సోమవారమే శ్రీలంక అధికారులకు పరిస్థితి వివరించి ఒత్తిడి తీసుకొచ్చింది. నౌక రాకను వాయిదా వేయాలని చైనా ఎంబసీ అధికారులకు శ్రీలంక కూడా సూచించింది. అయినా చైనా పట్టించుకోవడం లేదు.
