బెల్లంపల్లి రూరల్, వెలుగు: గ్రామపంచాయతీ ఎన్నికల్లో అధికార పార్టీ అభ్యర్థికి ఓటు వేయలేదనే కక్షతో తమకు తాగునీరు రాకుండా నిలిపివేశారని మంచిర్యాల జిల్లా నెన్నెల మండలం చిత్తాపూర్ ఎస్సీ కాలనీ(10వ వార్డు) వాసులు కలెక్టర్ కుమార్దీపక్కు ఫిర్యాదు చేశారు. సోమవారం కలెక్టరేట్లో నిర్వహించిన ప్రజావాణికి సర్పంచ్ఓరం కమల, ఉపసర్పంచ్ వెంకటేశ్ఆధ్వర్యంలో వెళ్లి కలెక్టర్కు అర్జీ అందజేశారు. దశాబ్దకాలంగా వాడుకుంటున్న హ్యాండ్ బోర్కు ఏడు నెలల క్రితం ఓ వ్యక్తి మోటారు ఏర్పాటు చేసుకొని సొంత తోటకు వాడుకుంటున్నారని చెప్పారు.
ఒక్కోసారి మిషన్భగీరథ నీరు రాక తాగునీటి కోసం తీవ్ర ఇబ్బందులు ఎదుర్కొంటున్నామన్నారు. వెంటనే తాగునీటి సరఫరాను పునరుద్ధరించి ఘటనపై విచారణ జరిపి బాధ్యులపై చర్యలు తీసుకోవాలని కోరారు. స్పందించిన కలెక్టర్వెంటనే మండల అధికారులకు, పోలీసులకు ఫోన్ చేశారు. బోరు నుంచి ప్రైవేట్వ్యక్తికి సంబంధించిన మోటారును తొలగించి పంచాయతీ మోటారు ఏర్పాటు చేసి నీటి సరఫరా జరిగేలా చూడాలని ఆదేశించారు.
