- రాష్ట్రానికి సీఎంగా రేవంత్ రెడ్డి సరైనోడు
- టీపీసీసీ అధికార ప్రతినిధి అద్దంకి దయాకర్
హైదరాబాద్: కాంగ్రెస్ పార్టీ తనను ఒక అస్త్రంగా వాడుకుంటుందేమోనని టీపీసీసీ అధికార ప్రతినిధి అద్దంకి దయాకర్ అన్నారు. తన భవిష్యత్తు ఏఐసీసీ హైకమాండ్, పీసీసీ అధ్యక్షుడు రేవంత్ చేతుల్లో ఉందన్నారు. దయాకర్ మీడియాతో మాట్లాడుతూ ‘నేను నిఖార్సయిన కార్యకర్తను. పార్టీ కోసం పనిచేశా. పార్టీ ఎలా ఉపయోగించుకోవాలనుకున్నా సిద్ధంగా ఉన్నా. త్వరలో మంచి పొజిషన్వచ్చే చాన్స్ ఉంది.
రాష్ట్రానికి సీఎంగా రేవంత్ రెడ్డి సరైనోడు. ఇండియా కూటమిని విచ్ఛిన్నం చేసేందుకే బీజేపీ ప్రయత్నాలు చేస్తోంది. కాంగ్రెస్ తో పొత్తు పెట్టుకున్న కారణంగానే కేజ్రీవాల్ ను అరెస్ట్ చేసే కుట్రచేస్తున్నరు. బీఆర్ఎస్ను బెదిరించేందుకే ఎమ్మెల్సీ కవిత లిక్కర్ స్కామ్ను వాడుకుంటున్నరు. మోదీ,- అమిత్ షాల ముద్దుబిడ్డ కేసీఆర్. ఆయన చేసిన అవినీతిని కాపాడింది బీజేపీనే’ అని దయాకర్ అన్నారు.
