అబ్దుల్లాపూర్మెట్, వెలుగు: అభివృద్ధి పనుల శంకుస్థాపనకు వస్తున్న మంత్రి హరీశ్ రావుకు స్వాగతం పలుకుతూ కాంగ్రెస్ నేతలు ఫ్లెక్సీలు ఏర్పాటు చేయ డం చర్చనీయాంశంగా మారింది. శుక్రవారం హరీశ్రావు, మంత్రి సబితా రెడ్డి రంగారెడ్డి జిల్లా తుర్కయాంజల్లో పర్యటించి.. పలు అభివృద్ధి పనులను ప్రారంభోత్సవం చేశారు. ఈ సందర్భంగా వారికి స్వాగతం పలుకుతూ పీసీసీ సభ్యుడు, మున్సిపాల్టీ 18వ వార్డు కౌన్సిలర్ కాకుమాను సునీల్, 10వ డివిజన్కు చెందిన మేతరి అనురాధ దర్శన్ ఫ్లెక్సీలు ఏర్పాటు చేశారు. వాటిలో మంత్రుల ఫొటోలతోపాటు కాంగ్రెస్నేతలు మల్రెడ్డి రంగారెడ్డి, రాంరెడ్డి ఫొటోలు కూడా పెట్టడం గమనార్హం. అసెంబ్లీ ఎన్నికలు దగ్గర పడుతున్న తరుణంలో ఇరు పార్టీల మధ్య నిత్యం మాటల యుద్ధం జరుగుతుంటే.. ఇబ్రహీంపట్నం కాంగ్రెస్ నాయకులు వ్యవహరించిన తీరు హాట్ టాపిక్గా మారింది.
