నందిపేట, వెలుగు: జిల్లా మంత్రి ప్రశాంత్రెడ్డి, ఆర్మూర్ఎమ్మెల్యే జీవన్రెడ్డిలకు ఓట్ల మీదున్న ప్రేమ, రైతుల మీద లేదని తెలంగాణ కిసాన్కాంగ్రెస్ చైర్మన్అన్వేశ్రెడ్డి విమర్శించారు. మొక్కజొన్న, సోయా పంటలను కొనుగోలు చేసేందుకు ప్రభుత్వం వెంటనే కేంద్రాలు ఏర్పాటు చేయాలని డిమాండ్ చేస్తూ సోమవారం నందిపేటలో కాంగ్రెస్ ఆధ్వర్యంలో ధర్నా నిర్వహించారు.
ఈ సందర్భంగా ఆయన మాట్లాడుతూ అభివృద్ధి అంటే కుక్కర్లు, చీరలు పంచిపెట్టడం కాదని, నలుగురికి అన్నం పెట్టే రైతుల బాగు గురించి ఆలోచించడమన్నారు. రెండు రోజుల్లో కొనుగోలు కేంద్రాలు ఏర్పాటు చేయకపోతే ఆర్మూర్కేంద్రంగా పెద్ద ఎత్తున ధర్నా చేస్తామని హెచ్చరించారు. జిల్లా కిసాన్ కాంగ్రెస్చైర్మన్ముప్ప గంగారెడ్డి, పార్టీ మండలాధ్యక్షుడు మంద మహిపాల్, జిల్లా ఉపాధ్యక్షులు పెంట ఇంద్రుడు, గంగాధర్, భూమేశ్రెడ్డి, శ్రీను పాల్గొన్నారు.
