ఒక్క చోట వేల మంది.. అంతా దగ్గరగా, ఎట్లాంటి మాస్కులు లేకుండా ఎంజాయ్ చేస్తున్న ఈ ఫోటో ఎక్కడిదో తెలుసా? ఏ ఇంగ్లిషు కంట్రీ బీచ్ లో తీసిందో, ఏదో పాత ఫొటోనో కాదు. కరోనా వైరస్ కు పుట్టినిల్లు అయిన చైనా వుహాన్ సిటీలోని మాయ బీచ్ వాటర్ పార్క్ లో ఆదివారం జరిగిన మ్యూజిక్ పార్టీ ఇది. ప్రపంచ దేశాలన్నీ కరోనా వైరస్ తో అతలాకుతలం అవుతుంటే.. వుహాన్ సిటీలో మాత్రం అన్ని ఆంక్షలు ఎత్తేయడంతో జనం రిలాక్స్ అవుతున్నారు . గత ఏడాది డిసెంబర్ లో ఈ వుహాన్ సిటీలోనే కరోనా వైరస్ తొలిసారిగా మనుషులకు సోకింది. అక్కడి నుంచి మొత్తం ప్రపంచానికి పాకింది.
