ప్రపంచానికి ఇటలీ నేర్పుతున్న గుణపాఠం : సోషల్ మీడియాలో వైరల్ అవుతున్న ఇటలీ లేఖ

దేశ ప్రధాని నరేంద్రమోడీ తో పాటు అన్నీ రాష్ట్రాల ముఖ్యమంత్రులు కరోనా వైరస్ పట్ల ప్రజలు జాగ్రత్తగా ఉండాలని సలహా ఇస్తున్నారు. ప్రజలు సైతం కరోనా వైరస్ పై అప్రమత్తమయ్యారు. అయితే వారిలో కొంతమంది  నిర్లక్ష్యంగా ఉన్నట్లు తెలుస్తోంది. అయితే అలాంటి వారి నిర్లక్యం వల్ల తమ దేశం ఎలాంటి దుర్భర స్థితిలో ఉందో చూడండి అంటూ ఇటలికి చెందిన ఓ వ్యక్తి రాసిన లేఖ  ప్రస్తుతం సోషల్ మీడియాలో వైరల్ అవుతుంది. ఆ లేఖలో ఏముందంటే

అందమైన దేశం..

ప్రశాంతమైన జీవితం….

సుఖ సంతోషాలతో ప్రజలు

మా దేశం ఇటలీ.  మేం నివాసం ఉంటున్న నగరం మిలాన్

నేను మీకు ఓ విషయాన్ని చెప్పబోతున్నాను

అదేంటంటే ప్రస్తుతం మా నగరం ఎలా ఉందో .. ప్రపంచంలోనే అందమైన నగరంగా పేరొందిన మిలాన్ ఇప్పుడు  ఎందుకిలా అయ్యిందో తెలుసా..? మేం చేసిన నిర్లక్ష్యం వల్లే.

మీరంతా మేము చేసిన పొరపాట్ల నుండి పాఠాలు నేర్చుకొని మా లాగా మీ జీవితాల్ని, మీ దేశాన్ని చీకట్లోకి నెట్టేయకుండా ఉంటారనే  మీకు ఈ విషయం చెబుతున్నాను.

ఇప్పుడు మేమంతా ఉన్నది క్వారంటైన్ లో వీధుల్లోకి వెళ్ళలేము. పొరపాటున వెళితే వెంటనే పోలీస్ లు వచ్చి తీసుకెళ్లి చెరసాలలో బంధిస్తారు.

 షాపులు, ఆఫీసులు, వీధులు అన్ని మూతపడ్డాయి.

మాకు అనిపిస్తుంది ఇదే యుగాంతమేమోనని 

మాది ఒక అందమైన అభివృద్ధి చెందిన దేశం. 

మేం అనుకోలేదు  కరోనా వైరస్ తో గాఢాంధకారం లోకి నెట్టి వేయబడుతుందని. దీనంతటికి  కారణం ఒకటే మేమే ఇటాలియన్స్.

మేం చేసిన తప్పే మా దేశం అనుభవిస్తున్న ఈ కష్టానికి కారణం

ఒక్క క్షణం గత వారం మా ప్రభుత్వం, అధికారులు చెప్పిన జాగ్రత్తలు మేం తీసుకొని ఉంటే ఈనాడు మా దేశానికి ఈ పరిస్థితి వచ్చేది కాదు.

 కరోనా వైరస్ వ్యాపిస్తుంది. బయటకు వెళ్ళవద్దని మా ప్రభుత్వం సెలవులు ఇస్తే మేము ఏం చేశాం..?

విహారయాత్రలకు వెళ్లాం

సినిమాలకి వెళ్ళాం

చిన్న చిన్న పార్టీలు చేసుకున్నాం

బజారు లో కూర్చుని గుంపులు గుంపులుగా ముచ్చట్లు పెట్టుకున్నాం

అందరం ప్రభుత్వం చేసిన సూచనల్ని చాలా తేలికగా తీసుకున్నాం

ఆ నాడు మాకు తెలియదు ఆ క్షణం మేం చేసిన ఆ చిన్న తప్పు ఈనాడు మా దేశాన్ని, మా దేశ ఆర్థిక వ్యవస్థను చిన్నాభిన్నం చేస్తుందని.

రోజుకు రెండు వందల మంది చనిపోతున్నారు .. మా దేశంలో మందులు లేక కాదు

వైద్యులు లేక కాదు

కేవలం అంతమంది వ్యాధిగ్రస్తులను ఉంచడానికి సరిపోయేంత స్థలం లేక

ఇదంతా పౌరులుగా మేం చేసిన తప్పు వల్లే

ప్రభుత్వం చెప్పిన మాట వినకపోవడం వల్లే

అవును మేము తప్పు చేశాం

ప్రపంచ ప్రజలారా మేల్కొండి మా పరిస్థితి మీకు రావద్దని మా ఆశ , ఆకాంక్ష

తక్షణమే మీ ప్రభుత్వం, మీ అధికారులు చేసిన సూచనల్ని పాటించండి. 

పండగలు, జాతరలు, పెళ్లిళ్లు, పేరంటాలు ఇప్పుడు కాకపోతే మరి ఎప్పుడైనా చేసుకోవచ్చు

వినండి అందమైన అభివృద్ధి చెందిన ఒక చిన్న దేశంగా మొదలెట్టిన మా ప్రయాణం ఈనాడు ఎలా ఉందో మీరంతా చూస్తూనే ఉన్నారు. 

మీకు మా పరిస్థితి రావొద్దు…

మీరు మారతారని ఆశిస్తూ

మీ మిత్ర దేశ పౌరుడు.