బాసర, వెలుగు : రాజీవ్ గాంధీ వైజ్ఞానిక సాంకేతిక విశ్వవిద్యాలయం( ఆర్జీయూకేటీ) బాసరలో పీయూసీ ప్రవేశాలకు కౌన్సెలింగ్ శుక్రవారం ప్రారంభమైంది. అకాడమిక్ బ్లాక్ లో విద్యార్థుల సర్టిఫికెట్లను పరిశీలించారు. 459 మంది హాజరు కాగా 41 మంది గైర్హాజరయ్యారు. మొదటి రోజు 1 నుంచి 500 ర్యాంక్వరకు కౌన్సెలింగ్ నిర్వహించారు. శనివారం 501 నుంచి 1000 వరకు, ఆదివారం 1001 నుంచి 1404 వరకు సర్టిఫికెట్లను పరిశీలిస్తారు.
ఫస్ట్ అడ్మిషన్ను బాసర గ్రామానికి చెందిన నానెం నవ్యకు డైరెక్టర్ ప్రొఫెసర్ సతీశ్ కుమార్ అందజేశారు. విద్యార్థులు ఈనెల 24న క్యాంపస్ లో రిపోర్ట్ చేయవలసి ఉంటుంది. ఆగస్టు 1 నుంచి అకాడమిక్ ఇయర్ ప్రారంభమవుతుందని, వీరి కోసం వారం పాటు అవగాహన సదస్సులను నిర్వహిస్తామని డైరెక్టర్ ప్రొఫెసర్ సతీశ్ తెలిపారు. కో ఆర్డినేటర్లు డాక్టర్ చంద్రశేఖర్, డాక్టర్ పావని, డాక్టర్ దత్తు, సభ్యులు డాక్టర్ కుమార్ రాగుల, శ్రీకాంత్, అడ్మిషన్స్ కమిటీ సభ్యులు హరికృష్ణ, సునీత, కృష్ణ, సంతోష్రెడ్డి, పాల్గొన్నారు.
