హైదరాబాద్, వెలుగు: రాష్ట్రంలోని 2.6 లక్షల మంది సీపీఎస్ ఉద్యోగులు, టీచర్ల భవిష్యత్పై ప్రభుత్వం తక్షణమే స్పందించాలని సీపీఎస్ఈయూ రాష్ట్ర అధ్యక్షుడు స్థితప్రజ్ఞ కోరారు. సోమవారం సచివాలయంలో సీఎస్ సంజయ్ జాజును ఆ సంఘం రాష్ట్ర ప్రధాన కార్యదర్శి కల్వల్ శ్రీకాంత్, నేతలతో కలిసి వినతిపత్రం అందజేశారు.
ఈ సందర్భంగా స్థితప్రజ్ఞ మాట్లాడుతూ ఇప్పటికే రాష్ట్రంలో రిటైర్ అయిన సుమారు 2 వేల మంది సీపీఎస్ ఉద్యోగులు నామమాత్రపు పెన్షన్తో ఆర్థికంగా చితికిపోతున్నారని, వారిని ఆదుకోవాలంటే పాత పెన్షన్ విధానం ఒక్కటే మార్గమని స్పష్టం చేశారు. ఎన్నికల్లో ఇచ్చిన హామీ మేరకు ప్రభుత్వం వెంటనే ఓపీఎస్ను అమలు చేయాలని డిమాండ్చేశారు. దీంతోపాటు 2023 నుంచి పెండింగ్లో ఉన్న డీఏ బకాయిలను ఒకే విడుతలో రిలీజ్ చేయాలన్నారు.
