పోర్చుగీస్ స్టార్ పోర్చుగీస్ ఫుట్‌బాల్ ప్లేయర్ క్రిస్టియానో రొనాల్డో ఎంగేజ్ మెంట్ చేసుకున్నాడు. సోమవారం (ఆగస్టు 12) తన లైఫ్ టైం గర్ల్ ఫ్రెండ్ జార్జినా రోడ్రిగ్జ్‌ని ఎనిమిది సంవత్సరాల డేటింగ్ తర్వాత నిశ్చితార్థం చేసుకోవడం విశేషం. ఈ విషయాన్ని జార్జినా రోడ్రిగ్జ్‌.. రోనాల్డో చేతి మీద తన చేయిని ఉంచిన ఫోటోను షేర్ చేస్తూ సోషల్ మీడియా ద్వారా వెల్లడించింది. రొనాల్డో ఆమె చేతికి తొడిగిన నిశ్చితార్థ ఉంగరానికి డైమండ్స్ ఉండడంతో.. ఈ రింగ్ ఖరీదుపై నెటిజన్స్ ఆరా తీయడం మొదలు పెట్టారు. ఈ రింగ్ ధర తెలియడంతో సోషల్ మీడియాలో నెటిజన్స్ నోరెళ్లబెడుతున్నారు.
రొనాల్డోతో ఎనిమిదేళ్ల రిలేషన్షిప్ లో ఉన్న జార్జినా.. తన 35 క్యారెట్ల డైమండ్ రింగ్ ను చూపిస్తూ ఇన్‌స్టాగ్రామ్ లో చేసిన పోస్ట్ వైరల్ అవుతుంది. రింగ్ 5 సెంటీమీటర్ల కంటే ఎక్కువ పొడవు ఉన్నట్టు తెలుస్తోంది. ఈ వజ్రం క్వాలిటీ, పరిమాణం చూస్తే చాలా ఖరీదైనదని తెలుస్తోంది. ఓవల్ ఆకారంలో ఉన్న ఈ డైమండ్ ఎంగేజ్మెంట్ రింగ్ విలువ 2 నుంచి 5 మిలియన్ డాలర్లు ఉంటుందని అంచనా. అంటే సుమారు రూ.16.8 కోట్ల నుండి రూ. 42 కోట్లు వరకు ఈ రింగ్ కాస్ట్ ఉన్నట్టు నిపుణులు సూచిస్తున్నారు. బ్రియోనీ రేమండ్ ప్రకారం.. ఓవల్ వజ్రం 25-30 క్యారెట్ల మధ్య ఉండవచ్చు. కొంతమంది ఇది కనీసం 15 క్యారెట్లు ఉండవచ్చని చెబుతున్నారు.
రేర్ క్యారెట్ CEO అజయ్ ఆనంద్ ఈ ఉంగరం విలువను USD 5 (రూ. 42 కోట్లు) మిలియన్ల వరకు ఉంటుందని అంచనా వేశారు. 2016 నుంచి ఈ జంట రిలేషన్షిప్ లో ఉన్నారు. గత ఎనిమిదేళ్లుగా వీళ్లు కలిసే ఉన్నారు. మొత్తానికి ఇప్పుడు రొనాల్డో ఆమెకు ఖరీదైన ప్రపోజల్ తో అభిమానులను ఆశ్చర్యపరిచాడు. ఆ దంపతులకు ముగ్గురు పిల్లలు కూడా ఉన్నారు. అలానా మార్టినా (2017), బెల్లా ఎస్మెరాల్డా (2022) ఏంజెల్ (2022). కానీ ఆమె పుట్టిన కొద్దిసేపటికే మరణించింది.
