బషీర్బాగ్, వెలుగు: లోన్ ఆఫర్చేసిన స్కామర్స్ఓ వ్యక్తి వద్ద నుంచి రూ.3 లక్షలు కాజేశారు. హైదరాబాద్ సైబర్ క్రైం ఏసీపీ శివమారుతి తెలిపిన వివరాల ప్రకారం.. యూసుఫ్ గూడకు చెందిన వ్యక్తికి గత నెల 11న స్కామర్ఫోన్ చేశాడు. బజాజ్ ఫిన్ సర్వ్ నుంచి మాట్లాడుతున్నామని చెప్పి రూ.లక్ష లోన్ ఇస్తానన్నాడు.
బాధితుడు ఆసక్తి చూపడంతో.. ఫైనాన్స్ ఏజెంట్లమంటూ కొంత మంది కాల్స్ చేశారు. లోన్ ప్రాసెస్ చేయడానికి ఇన్సూరెన్స్ , టీడీఎస్ , ఎన్ వోసీ, జీఎస్టీ , ఆర్బీఐ మెయిల్, అకౌంట్ ట్రాన్స్ఫర్ చార్జెస్, లోన్ యాక్టివేషన్ , లేట్ ఫీజు, అడ్వాన్స్ ఈఎంఐ , క్యాష్ డిపాజిట్ చార్జి వంటి కొన్ని పేమెంట్స్చేయాలని.. శాంక్షన్ అయ్యాక ఆ డబ్బులను తిరిగి చెలిస్తామని నమ్మబలికారు.
బాధితుడు నమ్మి.. మొత్తం రూ.3.04 లక్షలు చెల్లించాడు. ఆ తర్వాత కూడా వారు డబ్బులు డిమాండ్ చేస్తుండటంతో ఇది స్కాం అని గ్రహించాడు. మంగళవారం సైబర్ క్రైం పోలీసులకు ఫిర్యాదు చేశాడు. కేసు దర్యాప్తు చేస్తున్నట్లు ఏసీపీ పేర్కొన్నారు.
