సైక్లోన్ బిపార్జోయ్ గుజరాత్ తీరాన్ని తాకడంతో ఈ ప్రభావం క్రికెట్ మీద కూడా పడింది. సౌరాష్ట్ర ప్రీమియర్ లీగ్ (SPL) మూడవ ఎడిషన్ ను వాయిదా వేశారు. జూన్ 15న టోర్నమెంట్ ప్రారంభం కావాల్సి ఉండగా, పరిస్థితిని దృష్టిలో ఉంచుకుని టోర్నీని వాయిదా వేయాలని సౌరాష్ట్ర క్రికెట్ అసోసియేషన్ నిర్ణయం తీసుకుంది. వారు ఈ నిర్ణయాన్ని ధృవీకరిస్తూ ఒక ప్రకటనను కూడా విడుదల చేశారు, దాంతో పాటు ప్రతి ఒక్కరూ సురక్షితంగా ఉండాలని విజ్ఞప్తి చేశారు.
గడిచిన 24 గంటల నుంచి గుజరాత్లో బిపార్జోయ్ తుపాను బీభత్సం సృష్టించింది. ఊహించినట్లుగానే, ఇది గురువారం (జూన్ 15) రాష్ట్రంలో ల్యాండ్ఫాల్ చేసింది. ఈ ఘటనలో 22 మంది గాయపడగా, 940 గ్రామాలు అంధకారంలో మునిగిపోయాయి. తీవ్రమైన తుఫానులతో వర్షాలు రాష్ట్రాన్ని అతలాకుతలం చేస్తున్నాయి. ఇది ఈ రోజు కూడా (జూన్ 16) వరకు కొనసాగే అవకాశం ఉంది. అయితే, రాజస్థాన్లో భారీ వర్షాలతో ఈశాన్య దిశగా కదులుతున్నందున బిపార్జోయ్ తుఫాను బలహీనపడవచ్చని అధికారులు అంచనా వేస్తున్నారు.
" తుఫాను ప్రభావం, తీవ్రత కారణంగా జూన్ 15, 2023 నుంచి ప్రారంభం కావాల్సిన SPL 2023 వాయిదా పడింది. సౌరాష్ట్ర క్రికెట్ అసోసియేషన్ ప్రభావిత ప్రాంతాల్లోని ప్రతి ఒక్కరూ సురక్షితంగా ఉండాలని విజ్ఞప్తి చేస్తుంది" అని ట్విట్టర్లో SCA ఓ ప్రకటనను విడుదల చేసింది. అయితే SCA ఇంకా షెడ్యూల్ చేసిన తేదీని ప్రకటించలేదు. అసలు ఈ సీజన్లో టోర్నమెంట్ జరుగుతుందో లేదో చూడాలి.
https://twitter.com/saucricket/status/1668198854888669185