ముంబై: దలాల్ స్ట్రీట్ఈవారం ఐపీఓలతో సందడిగా ఉండబోతోంది. ప్రొటీన్ ఈగవ్ టెక్నాలజీస్, ఏఎస్కే ఆటోమోటివ్ అనే రెండు మెయిన్‌ బోర్డ్ ఐపీఓలతోపాటు రెండు ఎస్ఎంఈ ఇష్యూలు ఈ వారం ఇన్వెస్టర్ల ముంగిటికి వస్తున్నాయి. ఇదేవారం సెల్లో వరల్డ్, మామా ఎర్త్‌‌‌‌‌‌‌‌ల లిస్టింగ్స్ కూడా ఉన్నాయి. టాటా టెక్నాలజీస్ ఐపీఓ ఈనెల మూడు లేదా నాలుగో వారంలో ప్రారంభం కానుందని తెలుస్తోంది. బలమైన లిస్టింగ్ లాభాలు వస్తున్న కారణంగా 2024 వరకు మార్కెట్‌‌‌‌‌‌‌‌లో ఐపీఓల సందడి ఉండొచ్చని, ఈ నెలలోనే 14 ఐపీఓలు ఉన్నాయని పాంటోమత్ క్యాపిటల్ అడ్వైజర్స్ ఎండీ మహావీర్ లునావత్ అన్నారు. ప్రొటీన్ ఈవన్, ఏఎస్కే ఆటోమోటివ్ తమ పబ్లిక్ ఆఫర్‌‌‌‌‌‌‌‌ల ద్వారా సంచిత రూ. 1,324 కోట్లను సమీకరించాలని ప్లాన్ చేస్తున్నాయి.
ప్రొటీన్ ఈగవ్ టెక్నాలజీస్
ప్రొటీన్ ఈగవ్ టెక్నాలజీస్ ఐపీఓ నవంబర్ 6న మొదలై, నవంబర్ 8న ముగుస్తుంది. కంపెనీ ఒక్కో షేరుకు రూ.752–-792 ధరను నిర్ణయించింది. అప్పర్ లిమిట్లో రూ.490 కోట్లను సమీకరించాలని యోచిస్తోంది. ఇష్యూ పూర్తిగా 61.9 లక్షల షేర్ల ఆఫర్ ఫర్ సేల్ (ఓఎఫ్ఎస్). 360 వన్ స్పెషల్ ఆపర్చునిటీస్ ఫండ్, ఎన్ఎస్ఈ ఇన్వెస్ట్‌‌‌‌‌‌‌‌మెంట్స్, హెచ్డీఎఫ్సీ బ్యాంక్, యాక్సిస్ బ్యాంక్, డాయిష్ బ్యాంక్‌‌‌‌‌‌‌‌లు తమ పాక్షిక వాటాలను అమ్ముతాయి. ప్రొటీన్ ఈగవ్ టెక్నాలజీస్ అనేది జనాభా- స్థాయి గ్రీన్‌‌‌‌‌‌‌‌ఫీల్డ్ టెక్నాలజీ సొల్యూషన్లను అభివృద్ధి చేసే ఐటీ సంస్థ.
ఏఎస్కే ఆటోమోటివ్
ఏఎస్కే ఆటోమోటివ్ తన ఐపీఓను నవంబర్ 7న ప్రారంభించనుంది. ఇది తొమ్మిదో తేదీన ముగుస్తుంది. ఈ ఆఫర్ పూర్తిగా 2.95 కోట్ల ఓఎఫ్ఎస్ ఇష్యూ. ప్రైస్ బ్యాండ్ ఒక్కొక్కటి రూ.268–-282 మధ్య నిర్ణయించారు. ఓఎఫ్ఎస్ కింద, ప్రమోటర్లు కుల్దీప్ సింగ్ రాఠీ, విజయ్ రాఠీ వరుసగా 2.06 కోట్ల షేర్లను, 88.7 లక్షల షేర్లను అమ్ముతారు. ఏఎస్కే ఆటోమోటివ్ సేఫ్టీ సిస్టమ్స్ను, క్రిటికల్ ఇంజనీరింగ్ సొల్యూషన్లను అందిస్తుంది.
ఎస్ఎంఈ ఐపీఓలు
ఎస్ఎంఈ విభాగంలోని రెండు ఐపీఓలు -రాక్స్హైటెక్,సన్రెస్ట్ లైఫ్ సైన్సెస్ ఈవారమే సబ్‌‌స్క్రిప్షన్ కోసం అందుబాటులో ఉంటాయి. రెండు ఇష్యూలు నవంబర్ 7న ప్రారంభమవుతాయి. నవంబర్ 9 వరకు దరఖాస్తు చేసుకోవచ్చు. సన్రెస్ట్ లైఫ్ సైన్సెస్ ఐపీఓ ఆఫర్ సైజు సుమారు రూ. 10.85 కోట్లు. ప్రైస్ బ్యాండ్ ఒక్కో షేరుకు రూ. 84గా నిర్ణయించారు. రాక్స్హైటెక్ ఇష్యూ సైజు రూ.54-కోట్లు కాగా, ప్రైస్బ్యాండ్ రూ.80–83 మధ్య ఉంటుంది.
