ఢిల్లీ లిక్కర్ స్కాం కేసులో ఈడీ నోటీసులు వెనక్కి తీసుకోవాలని సీఎం అరవింద్ కేజ్రీవాల్ ఈడీకి లేఖ రాశారు. ఈడీ నోటీసులు చట్ట విరుద్ధమని.. రాజకీయ ప్రేరేపితమని కేజ్రీవాల్ వ్యాఖ్యానించారు. బీజేపీ ఆదేశాలతోనే ఈడీ నోటీసులిచ్చిందని ఆరోపించారు. తన ఎన్నికల ప్రచారాన్ని ఆపేందుకు ఈడీ నోటీసులిప్పించారని విమర్శించారు. ఈడీ నోటీసులు వెనక్కితీసుకోవాలని అన్నారు. మధ్యప్రదేశ్ లో ఎన్నికల ప్రచారానికి వెళ్లాల్సి ఉందన్నారు. ఎన్నికల ప్రచారం ముందే నిర్ణయించుకున్న కార్యక్రమం కాబట్టి విచారణకు హాజరుకాలేనన్నారు కేజ్రీవాల్.
లిక్కర్స్కామ్కేసులో మనీలాండరింగ్చట్టం కింద నవంబర్ 2న కేజ్రీవాల్ ఈడీ విచారణకు హాజరుకావాల్సింది. ఈ క్రమంలో ఆయనకు నోటీసులివ్వడాన్ని వ్యతిరేకిస్తూ ఆప్ నేతలు పెద్ద ఎత్తును ఈడీ ఆఫీసుకు చేరుకున్నారు. తుగ్లక్ రోడ్డులోని ఈడీ ఆఫీసు దగ్గర భారీగా పోలీసులు మోహరించారు. పారా మిలిటరీ పోలీసు బలగాలు చేరుకున్నాయి.
Also Read : దొరల తెలంగాణకు.. ప్రజల తెలంగాణ మధ్య ఎన్నికలు : రాహుల్ గాంధీ
ఈడీకి లేఖ రాసిన కేజ్రీవాల్ విచారణకు వెళ్లకుండా పంజాబ్ సీఎం భగవంత్ మాన్ తో కలిసి మధ్యప్రదేశ్ ఎన్నికల ప్రచారంలో పాల్గొంటారని ఆ పార్టీ వర్గాలు వెల్లడించాయి.
కేజ్రీవాల్ను నవంబర్2న ఈడీ అరెస్ట్ చేసే అవకాశం ఉందని ఈ పార్టీ ముఖ్యనేతలు సంచలన ఆరోపణలు చేశారు. ఎన్నికల్లో ఓడించలేమని తెలిసే.. టాప్లీడర్లను జైలుకు పంపండం ద్వారా ఆమ్ఆద్మీ పార్టీని పూర్తిగా దెబ్బతిసేందుకు బీజేపీ ప్రయత్నం చేస్తోందని ఆ పార్టీ ముఖ్యనేతలు, మంత్రి అతిషి, సౌరభ్భరద్వాజ్ అన్నారు. నవంబర్2న కేజ్రీవాల్ను అరెస్ట్చేస్తే.. అవినీతి అభియోగాల కింద కాదని, బీజేపీకి వ్యతిరేకంగా మాట్లాడినందుకేనని తేలిపోతుందన్నారు.
Delhi CM Arvind Kejriwal responds to ED, "The summon notice is illegal and politically motivated. The notice was sent at the behest of the BJP. Notice was sent to ensure that I am unable to go for election campaigning in four states. ED should withdraw the notice immediately."… https://t.co/QlLIu4AUx1 pic.twitter.com/XCnUMLlgHe
— ANI (@ANI) November 2, 2023
