- ఇంటర్నెట్ డేటాకు డిమాండ్
- వర్క్ ఫ్రమ్ హోమ్, ఆన్లైన్ క్లాసులే కారణం
- రోజూ వేలల్లో కొత్త కనెక్షన్లు
- సిటీలో 30 నుంచి 40 శాతం పెరిగిన వినియోగదారులు
హైదరాబాద్, వెలుగు: ఇంటర్నెట్ డేటాకి డిమాండ్ పెరిగింది. అకడమిక్ ఇయర్ క్లాసులు ఆన్లైన్ కావడం, వర్క్ ఫ్రమ్ హోమ్ ఉద్యోగుల కారణంగా కస్టమర్లు ఎక్కువయ్యారు. 30 నుంచి 40 శాతం కొత్తగా కనెక్షన్లు తీసుకుంటున్నారని ఇంటర్నెట్ కనెక్షన్స్ సెంటర్ల జోన్ మేనేజర్లు చెప్తున్నారు. అన్ లిమిటెడ్ డేటా ప్లాన్ పైనే ఇంట్రెస్ట్ చూపిస్తున్నారని అంటున్నారు. కరోనా కంటే ముందు వరకు మొబైల్ డేటానే అందరికి సరిపోయింది. ప్రస్తుతం మొత్తం ఆన్లైన్ కావడంతో ఎక్స్ ట్రా డేటా కావాల్సి వస్తోంది. దీంతో వైఫై కనెక్షన్లు తీసుకుంటున్నారు. కొవిడ్ కంటే ముందుతో పోలిస్తే ఇప్పుడు ఇంటర్నెట్ యూసేజ్, కొత్త కనెక్షన్లు తీసుకునేందుకు జనాలు ఇంట్రెస్ట్ చూపిస్తుండగా బ్రాడ్ బ్యాండ్కంపెనీలు అందుకు అనుగుణంగా ఆఫర్లను ప్రకటిస్తున్నాయి.
ఎరిక్సన్ సర్వే ప్రకారం చూస్తే
ఎరిక్సన్ మొబిలిటీ – 2021 సర్వే రిపోర్ట్ ప్రకారం దేశవ్యాప్తంగా 2020 నాటికి 4జీ సబ్ స్క్రిప్షన్స్ తీసుకున్న వారు 680 మిలియన్లు ఉంటే, 2026 నాటికి ఆ సంఖ్య 40 శాతం అంటే 830 మిలియన్లు పెరుగుతుందని అంచనా ఉన్నట్లు సర్వేలో తెలిపింది. మెట్రో, మెగా సిటీస్లో హోమ్ ఇంటర్నెట్ కనెక్షన్లలో 4జీ ఎక్కువగా వినియోగించడానికి ఇంట్రెస్ట్ చూపిస్తున్నట్లు పేర్కొంది.
