భైంసా, వెలుగు: సర్పంచ్పై ఉపసర్పంచి చెప్పుతో దాడి చేసింది. నిర్మల్జిల్లా భైంసా మండలం మహాగాం గ్రామ పంచాయతీలో నిధుల దుర్వినియోగం జరిగిందంటూ ఉపసర్పంచి భర్త ఆఫీసర్లకు ఫిర్యాదు చేశారు. పంచాయతీ ఆవరణలో గురువారం నిధుల దుర్వినియోగంపై డీఎల్పీవో శివకృష్ణ సమక్షంలో విచారణ జరిగింది. నిష్పక్షపాతంగా విచారణ జరిపి న్యాయం చేయాలంటూ గ్రామస్తులు ఎవరి వాదన వారు వినిపించారు. ఈ క్రమంలో గ్రామ సర్పంచ్అప్పాల రాకేష్, ఉప సర్పంచ్ కోటగిరి శారద మధ్య మాటల యుద్ధం మొదలైంది. కొద్దిసేపటికి మాటామాట పెరగడంతో ఆవేశానికి లోనైన శారద సర్పంచ్ రాకేశ్పై చెప్పుతో దాడి చేసింది. అక్కడున్న వార్డుమెంబర్లు ఎవరికి వారు గొడవకు దిగారు. పోలీసులు వారిని అడ్డుకుని పరిస్థితిని అదుపులోకి తీసుకువచ్చారు. భైంసా రూరల్ పోలీస్స్టేషన్లో సర్పంచ్రాకేశ్, ఉప సర్పంచ్శారద ఒకరిపై ఒకరు ఫిర్యాదు చేశారు.
