ఫేషియల్ స్కిన్ను రెగ్యులర్గా డీటాక్స్ చేసుకోవడం స్కిన్కేర్లో చాలా ముఖ్యం. డీటాక్స్ చేయడం వ్లల మలినాలు, మృత కణాలు, జిడ్డు పోతాయి. చర్మం మెరుస్తుంది. స్కిన్కేర్లో ఫేషియల్ స్టీమింగ్ చేర్చాలి. ఇది ముఖం మీది చర్మాన్ని శుభ్రం చేయడమే కాకుండా స్కిన్కు పోషణనిస్తుంది. రెగ్యులర్గా స్టీమింగ్ చేసుకోవడం వల్ల ముఖం మీద మురికి, బ్యాక్టీరియా, మృత కణాలు చేరకుండా చూసుకోవచ్చు. స్టీమ్ వల్ల రక్త ప్రసరణ పెరిగి చర్మం హెల్దీగా మారుతుంది. వేడినీళ్లలో ఎసెన్షియల్ ఆయిల్స్ కలిపి ఆవిరి పట్టుకుంటే రిజల్ట్ బాగుంటుంది. హెల్దీ, న్యూట్రియెంట్స్ ఉన్న డైట్ రక్తంలోని టాక్సిన్స్ను తొలగిస్తుంది. జీర్ణాశయాన్ని ఆరోగ్యంగా ఉంచుతుంది. సీజనల్ ఫ్రూట్స్, తాజా ఆకుకూరలు, ఒమెగా–3 ఫ్యాట్స్ ఉన్న సీడ్స్, నట్స్ వంటివి తింటే చర్మం అందంగా కనిపిస్తుంది. వీటితో పాటు ఎక్కువగా నీళ్ళు, లిక్విడ్స్ తాగితే స్కిన్ డీటాక్స్ అవుతుంది.
సన్స్క్రీన్ రాసుకోకుంటే స్కిన్ దెబ్బతింటుంది. ఎక్కువ టైం ఫోన్, ల్యాప్టాప్, ఇతర గాడ్జెట్స్ వాడడం వల్ల వాటి నుంచి వచ్చే బ్లూ లైట్ చర్మానికి హాని చేస్తుంది. అందుకే రోజూ సన్స్క్రీన్ రాసుకోవడం మరచిపోవద్దు. యాంటీ ఆక్సిడెంట్లు ఉన్న విటమిన్–సి చర్మానికి మ్యాజిక్లా పనిచేస్తుంది. ఆక్సిడేటివ్ స్ట్రెస్ను తగ్గిస్తుంది. చర్మ కణాలను రిపేర్ చేస్తుంది. విటమిన్– సి ఎక్కువగా దొరికే సిట్రస్ ఫ్రూట్స్, మొలకలు, స్ట్రాబెర్రీలు, క్యాప్సికం, బొప్పాయి వంటివి డైట్లో చేర్చుకుంటే స్కిన్ హెల్దీగా ఉంటుంది.