ప్రభుత్వాన్ని చేతులెత్తి మొక్కుతాం సారూ.. 46 జీవోను రద్దు చేయాండి అంటూ.. కానిస్టేబుల్ అభ్యర్థులు ఆవేదన వ్యక్తం చేశారు. హైదరాబాద్ వ్యాప్తంగా లో జీవో 46ను రద్దు చేయాలని నిరసనకు దిగారు. జీవో నంబర్ 46 వల్ల.. 4 కమీషనరేట్లకే 53శాతం పోస్ట్ లు భర్తీ చేయడం జరుగుతుందని.. దానివల్ల మిగిలిన జిల్లాల గ్రామీణ అభ్యర్థులు నష్టపోతున్నామని తెలిపారు.
ఈ రోజు(ఆగస్టు 16) హలో TSSP ఛలో TSLPRB నిరసనలు చేపట్టామని చెప్పారు. ఇందులో భాగంగా హైదరాబాద్ వ్యాప్తంగా పోలీసులను మోహరించి.. 5 వందల అభ్యర్థులను అరెస్ట్ చేయడం అన్యాయమని వాపోయారు. ప్రభుత్వం వెంటనే వారిని బేశరతుగా విడుదల చేయాలని అభ్యర్థులు కోరారు. ఎన్ని రోజుల నుంచి నిరసనలు చేపడుతున్న ప్రభుత్వం ఈ విషయంపై స్పందించడం లేదని.. కనీసం ఇకనైనా జీవో నం. 46 పై ప్రభుత్వం సానుకూల నిర్ణయం తీసుకోవాలన్నారు.
