టాలీవుడ్ సీనియర్ నటుడు సుమన్ పై దర్శకుడు శివనాడు ఫైర్ అయ్యాడు. ఆయన దర్శకత్వలో వస్తున్న లేటెస్ట్ మూవీ నవరత్నాలు. ఈ సినిమాలో బిగ్ బాస్ ఫెమ్ ఇనాయ సుల్తానా, రంగస్థలం మహేష్, సుదర్శన్ ముఖ్యపాత్రల్లో కనిపించారు. తాజాగా ఈ సినిమా ఆడియో రరిలీజ్ ఈవెంట్ ఘనంగా జరిగింది. ఈ ఈవెంట్ కు చిత్ర యూనిట్ తో సహా ఇండస్ట్రీ నుండి పలువురు ప్రముఖులు హాజరయ్యారు.
ఈ ఈవెంట్ లో మాట్లాడిన దర్శకుడు శివనాగు.. నవరత్నాలు సినిమా గురించి ఆసక్తికరమైన విషయాలు చెప్పుకొచ్చాడు. ఇందులో భాగంగానే నటుడు తీవ్ర స్థాయిలో మండిపడ్డాడు శివనాగు.. "నేను పిలిస్తే ఇండస్ట్రీలో ఉన్న చాలామంది పెద్దవాళ్ళు ఈ ఈవెంట్ కు వస్తారు. నేను సినీ పరిశ్రమలో పడ్డ కష్టాల ఆధారంగానే నవరత్నాలు సినిమా చేశాను. నేను ఒక హీరోతో వరుసగా మూడు సినిమాలు చేశాను. అతనితో నాకు మంచి బంధమే ఉంది. అతన్ని ఈ ఈవెంట్ కి గెస్ట్ గా పిలవమని పలువురు చెప్తే సరే అని కాల్ చేశాను. పదిరోజులు తిప్పించుకొని రెండు లక్షలు ఇస్తే వస్తా అన్నాడు. ఆ హీరో ఎవరో కాదు సుమన్. నా ఈవెంట్ కి నీకు డబ్బులిచ్చి పిలిచి, సన్మానం చేసి, నీ గురించి మంచిగా మాట్లాడాలా అంటూ" ఫైర్ అయ్యారు శివనాగు.
ప్రస్తుతం శివనాగు చేసిన ఈ కామెంట్స్ ఇండస్ట్రీలో హాట్ టాపిక్ గా మారాయి. మరి ఈ ఇష్యూపై నటుడు సుమన్ ఎలా స్పందిస్తాడో చూడాలి.
