బీజేపీ సీనియర్నేత.. మాజీ మంత్రి డీకే అరుణ కుమార్తె శ్రుతి రెడ్డి తెలిసిన వారి చేతుల్లోనే మోసపోయారు. ఆమె వద్ద డ్రైవర్గా పని చేస్తున్న వ్యక్తి క్రెడిట్ కార్డు దొంగిలించి లక్షల రూపాయలు కొట్టేశాడు. పోలీసులు తెలిపిన వివరాల ప్రకారం.. శ్రుతి రెడ్డి బంజారాహిల్స్ లోని రోడ్నంబర్ 14 ప్రేమ్ పర్వత్ విల్లాస్లో ఉంటున్నారు. డ్రైవరుగా పని చేస్తున్న బీసన్న ఇంట్లో పెట్టిన హెచ్డీఎఫ్సీ క్రెడిట్ కార్డును అపహరించాడు. శ్రుతికి తెలిసిన మహావీర్ జెమ్స్ అండ్పెరల్స్నగల దుకాణానికి వెళ్లి రూ.11 లక్షలు డ్రా చేశాడు.
Also Read :-గుజరాత్ హైకోర్టులో రాహుల్ గాంధీకి షాక్..
గుర్తించిన ఆమె.. డ్రైవర్ ను నిలదీయగా పొంతనలేని సమాధానాలు చెప్పాడు. దీంతో ఆమె డ్రైవర్పై బంజారాహిల్స్ పోలీస్స్టేషన్లో ఫిర్యాదు చేశారు. కేసు నమోదు చేసుకుని దర్యాప్తు చేస్తున్నామని పోలీసులు చెప్పారు.
