భారత ప్రభుత్వ రక్షణ శాఖకు చెందిన భారత రక్షణ పరిశోధన అభివృద్ధి సంస్థ- (డీఆర్‌‌‌‌డీవో) ఎంట్రన్స్‌ టెస్టుకు సంబంధించిన సెంటర్ ఫర్ పర్సనల్ టాలెంట్ మేనేజ్‌‌‌‌మెంట్ (సెప్టమ్‌ 10/ డీఆర్‌‌‌‌టీసీ) నోటిఫికేషన్‌ విడుదల చేసింది. దేశవ్యాప్తంగా ఉన్న డీఆర్‌‌‌‌డీవో పరిశోధనా కేంద్రాల్లో 1901 సీనియర్ టెక్నికల్ అసిస్టెంట్‌, టెక్నీషియన్ పోస్టుల భర్తీకి అర్హులైన అభ్యర్థుల నుంచి ఆన్లైన్లో అప్లికేషన్స్ కోరుతోంది.
సీనియర్ టెక్నికల్ అసిస్టెంట్‌-బి (ఎస్‌‌‌‌టీఏ -బి): ఇందులో మొత్తం 1075 ఖాళీలు ఉన్నాయి. ఆటోమొబైల్, కెమికల్, సివిల్, కంప్యూటర్ సైన్స్, ఎలక్ట్రికల్ & ఎలక్ట్రానిక్స్, ఎలక్ట్రికల్, ఎలక్ట్రానిక్స్ & ఇన్‌‌‌‌స్ట్రుమెంటేషన్, ఎలక్ట్రానిక్స్ లేదా ఎలక్ట్రానిక్స్ & కమ్యూనికేషన్‌ లేదా ఎలక్ట్రానిక్స్ టెలికమ్యూనికేషన్‌, ఇన్‌‌‌‌స్ట్రుమెంటేషన్, మెకానికల్, మెటలర్జీ ఇంజినీరింగ్‌, అగ్రికల్చర్, బోటనీ, కెమిస్ట్రీ, లైబ్రరీ సైన్స్, మ్యాథమెటిక్స్, ఎంఎల్‌‌‌‌టీ, ఫొటోగ్రఫీ, ఫిజిక్స్, ప్రింటింగ్ టెక్నాలజీ, సైకాలజీ, టెక్స్‌‌‌‌టైల్, జువాలజీ విభాగాల్లో పోస్టులు ఉన్నాయి.
టెక్నీషియన్ -ఎ (టెక్ -ఎ): టెక్నీషియన్ పోస్టులు 826 ఉన్నాయి. ఆటోమొబైల్, బుక్ బైండర్, కార్పెంటర్, సీఎన్‌‌‌‌సీ ఆపరేటర్, సీఓపీఏ, డ్రాఫ్ట్స్‌‌‌‌మ్యాన్ (మెకానికల్), డీటీపీ ఆపరేటర్, ఎలక్ట్రీషియన్, ఎలక్ట్రానిక్స్, ఫిట్టర్, గ్రైండర్, మెషినిస్ట్, మెకానిక్ (డీజిల్), మిల్ రైట్ మెకానిక్, మోటార్ మెకానిక్ పెయింటర్, రిఫ్రిజరేషన్, షీట్ మెటల్ వర్కర్, టర్నర్, వెల్డర్ ట్రేడుల్లో ఖాళీగా ఉన్నాయి.
అర్హతలు: మొత్తం 1901 పోస్టులు ఖాళీగా ఉన్నాయి. పోస్టులను అనుసరించి పదో తరగతి, సంబంధిత విభాగంలో ఐటీఐ, డిప్లొమా, డిగ్రీ ఉత్తీర్ణులై ఉండాలి. 18 నుంచి 28 సంవత్సరాల మధ్య ఉండాలి. నెలకు ఎస్‌‌‌‌టీఏ పోస్టులకు రూ.35400- రూ.112400, టెక్నీషియన్ పోస్టులకు రూ.19900- రూ.63200 వరకు జీతం ఉంటుంది.
అప్లికేషన్స్: అర్హులైన అభ్యర్థులు ఆన్లైన్లో సెప్టెంబర్ 3 నుంచి 23 వరకు దరఖాస్తు చేసుకోవాలి. రూ.100 (ఎస్సీ, ఎస్టీ, దివ్యాంగులు, మహిళా అభ్యర్థులకు రుసుము చెల్లింపు నుంచి మినహాయింపు ఉంటుంది) అప్లికేషన్ ఫీజు చెల్లించాలి.
సెలెక్షన్: పోస్టును అనుసరించి టైర్-1(సీబీటీ) స్క్రీనింగ్ టెస్ట్, టైర్-2(సీబీటీ) ఎంపిక పరీక్ష, ట్రేడ్/ స్కిల్ టెస్టుల ఆధారంగా అభ్యర్థులు ఎంపిక ప్రక్రియ ఉంటుంది. పూర్తి వివరాలకు వెబ్సైట్ www.drdo.gov.in సంప్రదించాలి.
