న్యూఢిల్లీ: బెంగాల్లో తృణమూల్ కాంగ్రెస్ (టీఎంసీ)లోని రెండు వర్గాల మధ్య కొనసాగుతున్న పార్టీ పేరు, గుర్తు వివాదంపై సుప్రీంకోర్టు కీలక ఆదేశాలు జారీ చేసింది. ఆల్ ఇండియా తృణమూల్ కాంగ్రెస్ పేరు, పూలు-గడ్డి గుర్తు ఎవరికి చెందాలన్న విషయాన్ని ఎన్నికల సంఘం నిర్ణయించాల్సి ఉందని స్పష్టం చేసింది. ఆ ప్రక్రియను ఆలస్యం చేయకుండా పూర్తి చేసేందుకు సుప్రీంకోర్టు కాలపరిమితిని కూడా ఖరారు చేసింది.
పార్టీ పేరు, ఎన్నికల గుర్తు రెండు వర్గాల్లో ఎవరూ ఉపయోగించకూడదన్న ఈసీ నిర్ణయాన్ని సవాల్ చేస్తూ మాజీ సీఎం మమతా బెనర్జీ దాఖలు చేసిన పిటిషన్పై సోమవారం సుప్రీంకోర్టులో విచారణ జరిగింది.
ప్రధాన న్యాయమూర్తి జస్టిస్ సూర్యకాంత్, న్యాయమూర్తులు జాయ్మాల్య బాగ్చి, వి.మోహనతో కూడిన ధర్మాసనం ఈ అంశాన్ని పరిశీలించింది. టీఎంసీ పేరు, గుర్తుపై ఉన్న వివాదానికి సంబంధించి ఎన్నికల సంఘం ముందు ఇరు వర్గాలు తమ వాదనలు వినిపించాలని ఆదేశించింది.
