- విద్యాశాఖ మంత్రి సబితా ఇంద్రారెడ్డి
పిట్లం, వెలుగు : తెలంగాణ పిల్లలు చదువులో దేశంలోనే ముందుండాలనేది సీఎం కేసీఆర్సంకల్పమని, అందుకనుగుణంగా పనిచేస్తున్నట్లు విద్యాశాఖ మంత్రి సబితా ఇంద్రారెడ్డి పేర్కొన్నారు. మన ఊరు– మన బడి కార్యక్రమంలో భాగంగా సోమవారం పెద్దకొడప్గల్లో రూ. 1.86 కోట్లతో నిర్మించిన అదనపు గదులను ప్రారంభించారు. అనంతరం మాట్లాడుతూ.. కేసీఆర్సీఎం అయ్యాక కొత్తగా వేయికి పైగా గురుకులాలు ఏర్పాటు చేశారని, ఒక్కో విద్యార్థిపై రూ.1.25 లక్షలు ఖర్చు చేస్తున్నట్లు చెప్పారు. కేజీ టు పీజీతో పాటు ప్రభుత్వ పాఠశాల్లో ఉన్నత విద్య అందించడానికి అన్ని సౌకర్యాలు కల్పిస్తున్నట్లు తెలిపారు.
2014–15లో విద్యపై రూ. 9వేల కోట్లు కేటాయిస్తే, ప్రస్తుతం దాన్ని రూ.29 వేల కోట్లకు పెంచినట్లు చెప్పారు. రాష్ట్ర వ్యాప్తంగా 26 వేల ప్రభుత్వ పాఠశాలల్లో మన ఊరు మన బడి కింద మూడు విడతల్లో సౌకర్యాలు కల్పించాలని నిర్ణయించినట్లు చెప్పారు. మొదటి విడతలో రూ.7 వేల కోట్ల ఖర్చుతో బడులను కార్పోరేట్స్కూళ్లకు దీటుగా తీర్చి దిద్దుతున్నామన్నారు. ఎమ్మెల్యే హన్మంత్షిండే వినతి మేరకు వచ్చే వచ్చే ఏడాది పెద్దకొడప్గల్లో జూనియర్కాలేజీని ఏర్పాటు చేస్తామన్నారు.
కార్యక్రమంలో ఎమ్మెల్యే హన్మంత్షిండే, ఎంపీ బీబీ పాటిల్, టీచర్స్ఎమ్మెల్సీ రఘోత్తంరెడ్డి, జిల్లా పరిషత్చైర్పర్సన్దఫేదార్శోభ, స్కూల్ఎడ్యుకేషన్కమిషనర్దేవసేన, మన ఊరు మన బడి చైర్మన్శ్రీధర్ రెడ్డి, అడిషనల్కలెక్టర్మనుచౌదరి, ఎంపీపీ ప్రతాప్రెడ్డి పాల్గొన్నారు.
