సోషల్ మీడియాలో వైరల్కావడానికి కొందరు చేస్తున్న పనులు పిచ్చికి పరాకాష్టలా మారుతున్నాయి. తాజాగా ఓ వృద్ధుడు రీల్స్కోసం పెట్రోల్ని వృథా చేయడాన్ని వ్యతిరేకిస్తూ నెటిజన్లు ఏకిపారేశారు. ఉత్తర్ప్రదేశ్రాష్ట్రం నోయిడాకు చెందిన ఓ వృద్ధుడు తన కార్ లో పెట్రోల్ కొట్టించడానికి బంకుకి వెళ్లాడు.
ఇంకేముంది బుర్రలో పురుగు తిరిగినట్టుంది..వెరైటీగా ఓ రీల్ చేద్దామని అనుకున్నాడు. బంకు వాళ్లు పెట్రోల్ కొట్టే బదులు వారి నుంచి పంపు లాక్కొని తన కారులో ఇంధనం నింపడం స్టార్ట్చేశాడు. అంత వరకు బాగానే ఉన్నా.. అతను చేస్తుంది రీల్స్ కదా.. కొత్తదనం కోసం తలతిక్క పని చేయడం స్టార్ట్ చేశాడు.
పంపు నుంచి వచ్చే పెట్రోల్ని కింద పట్టడం స్టార్ట్చేశాడు. దీంతో ఖరీదైన పెట్రోల్ నేలపాలయింది. ఈ వీడియో కాస్త అతను అనుకున్నట్లే వైరల్గా మారింది. కానీ పాజిటీవ్గా కాదు నెగెటివ్గా. రీల్స్ పిచ్చిలో పెట్రోల్ వేస్ట్చేయడం ఏంటని నెటిజన్లు కామెంట్లు చేస్తున్నారు.
అతని పనిపై ఆగ్రహం వ్యక్తం చేశారు. కారుని బంకు సిబ్బందితో క్లీన్చేయించడం మరో ట్విస్టు. ఆ వ్యక్తిపై అధికారులు చర్యలు తీసుకోవాలని సోషల్మీడియా వేదికగా కోరుతున్నారు.
