- కేంద్ర ఎన్నికల సంఘం వెల్లడి
న్యూఢిల్లీ, వెలుగు: రాజస్థాన్ అసెంబ్లీ ఎన్నికల పోలింగ్ తేదీని నవంబర్ 23కి బదులు నవంబర్ 25కి మారుస్తున్నట్లు కేంద్ర ఎన్నికల సంఘం (ఈసీఐ) బుధవారం ప్రకటించింది. పొలిటికల్ పార్టీలు, సోషల్ ఆర్గనైజేషన్స్ నుంచి వచ్చిన రిక్వెస్ట్లను పరిగణలోకి తీసుకుని ఈ నిర్ణయం తీసుకున్నట్లు ఈసీఐ తెలిపింది.
23వ తేదీన రాష్ట్ర వ్యాప్తంగా పెద్ద సంఖ్యలో పెండ్లిళ్లు ఉన్నాయని, ఈ కారణంగా సుమారు 25లక్షల మంది పోలింగ్కు దూరమయ్యే చాన్స్ ఉందని ఈసీఐ భావించింది. దీంతో అసెంబ్లీ ఎన్నికల్లో ఓటింగ్ పర్సెంటేజ్ తగ్గే అవకాశం ఉంటుంది. అందుకే పోలింగ్ తేదీని నవంబర్ 23కి బదులు అదేనెల 25వ తేదీకి మార్చినట్లు ఈసీఐ సెక్రటరీ సంజీవ్ కుమార్ ప్రసాద్ వెల్లడించారు.