న్యూఢిల్లీ: దేశంలోని12 రాజ్యసభ స్థానాలకు కేంద్ర ఎన్నికల సంఘం షెడ్యూల్ విడుదల చేసింది. వీటిలో ఉత్తరప్రదేశ్ లో 10, ఉత్తరాఖండ్ లో ఒక స్థానంతో పాటు పశ్చిమ బెంగాలలో ఒక స్థానానికి ఉప ఎన్నిక జరగనుంది. ఈనెల 29న నోటిఫికేషన్ రిలీజ్కానుంది. అక్టోబర్ 6 వరకు నామినేషన్లు స్వీకరిస్తారు. ఒకవేళ అవసరమైతే అక్టోబర్ 16న పోలింగ్ జరగనుంది. అదే రోజు ఫలితాలు విడుదలవుతాయి.
ఇక కాలపరిమితి ముగియనున్న రాజ్యసభ సభ్యుల్లో కేంద్ర మంత్రి హర్దీప్ సింగ్ పూరి, ఎస్పీ లీడర్ రామ్జీ గౌతమ్, బీజేపీ నేతలు అరుణ్ సింగ్, గీతా శాక్య, నీరజ్ శేఖర్, బ్రిజ్లాల్, బీఎల్ వర్మ, సీమా ద్వివేది, ఎస్పీ నేత రామ్ గోపాల్ యాదవ్ ఉన్నారు. సెంట్రల్ క్యాబినెట్లో హర్దీప్ సింగ్ కొనసాగింపు అనేది బీజేపీ ఆయనను మరో టర్మ్కు నామినేట్ చేస్తుందా లేదా అనే దానిపై ఆధారపడి ఉంటుంది.
