హైదరాబాద్, వెలుగు: ఈ నెల 17న హైదరాబాద్ విమోచన ఉద్యమం, త్యాగాలు, ఇబ్బందులు అనే అంశంపై గవర్నర్ తమిళిసై ఉపన్యాస పోటీలు నిర్వహిస్తున్నారు. ఈ కాంపిటీషన్ లో పాల్గొనేవాళ్లు ఈ నెల 16న సాయంత్రం 5 గంటలలోగా పేర్లు నమోదు చేసుకోవాలని బుధవారం రాజ్ భవన్ ఒక ప్రకటనలో తెలిపింది. 9542124646 నంబర్ కు వాట్సాప్ లేదా ఎస్ఎంఎస్, rbhldelocutioncontest@gmail.com వెబ్సైట్కు పేర్లు పంపాలని వెల్లడించింది. 3 నిమిషాల పాటు స్పీచ్ ఇవ్వాల్సి ఉంటుందని, ముందుగా నమోదు చేసుకున్న 60 మందికి 17న రాజ్ భవన్ లో కాంపిటీషన్ ఉంటుందని తెలిపింది.
మొదటి ముగ్గురు విన్నర్లకు రూ. 12,500, రూ.7500, రూ.5000, మరో 10 కన్సోలేషన్ ప్రైజ్లు ఇవ్వనున్నట్లు పేర్కొన్నారు. కాగా, ఏపీ రోడ్ సేఫ్టీ అడిషనల్ డీజీ కృపానంద్ త్రిపాఠి..గవర్నర్ తమిళిసైని రాజ్ భవన్ లో కలిశారు. ఈ ఏడాది జులై 22 న వారణాసి నుంచి హైదరాబాద్ ఫ్లైట్లో వస్తున్న త్రిపాఠికి హెల్త్ ప్రాబ్లమ్ ఉంటే అదే ఫ్లైట్లో ప్రయాణిస్తున్న గవర్నర్ ట్రీట్మెంట్ చేశారు. తనకు ట్రీట్ మెంట్ చేసినందుకు గవర్నర్కు త్రిపాఠి థ్యాంక్స్ చెప్పారు.
