ఉదయం, సాయంత్రం ఒక కప్పు టీ తాగందే.. పొద్దు గడవదు చాలామందికి. కానీ, డయాబెటిక్ పేషెంట్ల విషయానికొచ్చేసరికి టీకి సంబంధించి బోలెడు ప్రశ్నలు, అనుమానాలు. కొందరు డయాబెటిస్ ఉన్నా.. హ్యాపీగా టీ తాగొచ్చని చెప్తారు. మరికొందరేమో వద్దే వద్దంటారు. వీటిల్లో ఏది నిజమో తెలుసుకోవడానికి న్యూట్రిషనిస్ట్ కవితా దేవగన్ని అడిగితే...టీలలో చాలా వెరైటీలున్నా.. పాలు, చక్కెర లేదా ఆర్టిఫీషియల్ స్వీట్నర్స్తో చేసిన టీలనే ఇష్టంగా తాగుతుంటారు. కానీ, గేదె, ఆవు పాలల్లో ఐజీఎఫ్( ఇన్సులిన్– లైక్ గ్రోత్ ఫ్యాక్టర్) అనే హార్మోన్ ఉంటుంది. ఇది రక్తంలో షుగర్ లెవల్స్ని పెంచుతుంది. దానికి తోడు టీలో చక్కెర వేస్తారు. టీ రూపంలో ఇంత చక్కెర డయాబెటిక్ పేషెంట్ ఒంట్లో చేరితే సమస్యే కదా. అందుకే డయాబెటిక్ ఉన్నవాళ్లు పాలతో చేసిన టీ తాగకూడదు. దానికి బదులు బాదం పాలు, పూలు, చెట్ల వేర్లతో తయారుచేసిన టీలు తాగొచ్చు. ముఖ్యంగా డయాబెటిస్ ఉన్నవాళ్లు ఈ ఆరు రకాల టీలని డైట్లో చేర్చితే షుగర్ కంట్రోల్లో ఉండటంతో పాటు మరెన్నో లాభాలున్నాయి. అల్లం టీ: రోజుకి నాలుగు గ్రాముల అల్లం తింటే.. శరీరంలో ఇన్సులిన్ ప్రొడక్షన్ కంట్రోల్లో ఉంటుంది. రక్తంలోని షుగర్ లెవల్స్ తగ్గుతాయి. గ్లూకోజ్ లెవల్స్ కంట్రోల్లో ఉంటాయి. అందుకే రోజుకు రెండు కప్పుల అల్లం టీ తాగాలి. అలాగే టీ కాచేటప్పుడు కొంచెం దాల్చిన చెక్క వేసినా.. శరీరంలో చక్కెర స్థాయి అదుపులో ఉంటుంది.
పసుపు టీ: పరగడుపునే పసుపు టీ తాగితే రక్తంలోని గ్లూకోజ్ స్థాయిలు తగ్గి, డయాబెటిస్ అదుపులో ఉంటుందని చాలా స్టడీలు చెప్పాయి. అంతేకాదు ప్రతిరోజూ పసుపు టీ తాగితే కీళ్ల నొప్పులు, వాపులు తగ్గుతాయి. నెలసరిలో ఇబ్బంది పెట్టే పొత్తి కడుపు, ఒంటి నొప్పుల నుంచి రిలీఫ్ ఉంటుంది. అలాగే పసుపులోని యాంటీ ఆక్సిడెంట్ గుణాలు గుండె జబ్బుల్ని దరిచేరనివ్వవు. పసుపులో క్యాన్సర్‌‌‌‌తో పోరాడే గుణాలు కూడా ఉన్నాయి.
గ్రీన్ టీ: జర్నల్ ఆఫ్ న్యూట్రిషన్ అండ్ మెటబాలిజం స్టడీ ప్రకారం గ్రీన్ టీ టైప్– 2 డయాబెటిస్ వల్ల వచ్చే సమస్యల్ని తగ్గిస్తుంది. అదెలాగంటే గ్రీన్ టీ తాగితే బరువు తగ్గొచ్చు. దానివల్ల కూడా రక్తంలోని షుగర్ లెవల్స్ బ్యాలెన్స్ అవుతాయి.
చామంతి టీ : మరిగే నీళ్లలో నాలుగైదు చామంతి పూలు వేసి, కాసేపయ్యాక వడగట్టి తాగినా డయాబెటిస్ కంట్రోల్లో ఉంటుంది. రోజుకి రెండు కప్పుల చామంతి టీ తాగితే డయాబెటిస్ వల్ల వచ్చే ఇతర ఆరోగ్య సమస్యలు తగ్గుతాయి. కంటిచూపు మెరుగుపడుతుంది. కిడ్నీలు హెల్దీగా ఉంటాయి.
మందారం టీ : మందారంలో పాలీఫినోల్స్, యాంటీ ఆక్సిడెంట్స్ , ఆంథోసైనిన్స్ఎక్కువగా ఉంటాయి. బ్లడ్ షుగర్, లో బీపీని తగ్గిస్తాయి. ఈ టీ తాగితే ఇన్ఫ్లమేషన్, , బరువు తగ్గుతుంది. కాలేయం ఆరోగ్యంగా ఉంటుంది.
బ్లాక్ టీ : బ్లాక్ టీతోనూ డయాబెటిస్ తీవ్రతని తగ్గించొచ్చు. ఈ టీలో ఉండే థెఫ్లావిన్స్, థియారూబిగిన్స్ యాంటీ ఇన్ఫ్లమేటరీ, యాంటీ ఆక్సిడెంట్స్గా పనిచేస్తాయి. రక్తంలోని గ్లూకోజ్ లెవల్స్ని అదుపు చేస్తాయి. రోజుకి 2 నుంచి 3 కప్పుల బ్లాక్ టీ తాగితే ఇన్సులిన్ విడుదల మెరుగు పడుతుందని స్టడీలు చెప్తున్నాయి. ఫలితంగా షుగర్ లెవల్స్ కంట్రోల్లో ఉంటాయి.
