సంగారెడ్డి టౌన్, వెలుగు : ప్రొఫెసర్ కోదండరాంకు ఎమ్మెల్సీ పదవీ రాకుండా మాజీ సీఎం కేసీఆర్ అడ్డుకున్నారని ఆరోపిస్తూ బుధవారం సంగారెడ్డిలోని అమరవీరుల స్తూపం దగ్గర ఆయన చిత్రపటాన్ని దహనం చేశారు. ఈ సందర్భంగా టీజేఎస్ జిల్లా అధ్యక్షుడు తుల్జా రెడ్డి మాట్లాడుతూ.. ప్రొఫెసర్ కోదండరాంను కాంగ్రెస్ ప్రభుత్వం గుర్తించి ఎమ్మెల్సీ పదవి ఇవ్వడాన్ని బీఆర్ఎస్ నాయకులు జీర్ణించుకోలేకపోతున్నారని మండిపడ్డారు.
ప్రజలు బుద్ధి చెప్పినా అహంకారం వీడని బీఆర్ఎస్ కు భవిష్యత్ మరింత అంధకారంగా మారుతుందని హెచ్చరించారు . కార్యక్రమంలో జిల్లా ప్రధాన కార్యదర్శి సాయిలు, కోఆర్డినేటర్స్ మహేంద్ర, శశికాంత్, రామ్ రెడ్డి, విష్ణువర్ధన్ రెడ్డి పాల్గొన్నారు.
