కరోనా తర్వాత ఆరోగ్యానికి సంబంధించిన వార్తలు సోషల్ మీడియాలో తెగ షేర్ అవుతున్నాయి. ఇది కొన్ని సార్లు మంచి, మరికొన్ని సార్లు చెడు పరిణామాలకు దారి తీస్తోంది. వాట్సాప్ లోనూ ఆరోగ్యానికి సంబంధించిన వార్తలు ఇప్పటికీ బాగానే ప్రచారం అవుతున్నాయి. ఈ క్రమంలోనే ఓ న్యూస్ తెగ వైరల్ అవుతోంది. ఈ వార్త ప్రకారం చక్కెర వినియోగాన్ని ఆపడం, గోరువెచ్చని నిమ్మ నీరు, సేంద్రీయ కొబ్బరి నూనె తాగడం వల్ల క్యాన్సర్‌ను నయం చేయవచ్చని డా. గుప్తా పేర్కొన్నారు. ఈ వైరల్ పోస్టుపై ఫ్యాక్ట్ చెక్ టీమ్ ఇటీవలే విచారణ చేపట్టింది. దీంతో ఈ విషయంలో అసలు నిజానిజాలు ఏంటన్నది బట్టబయలయ్యాయి.
మస్త్ ఇండియా అనే ఓ యూజర్ ఫేస్‌బుక్‌లో ఈ వైరల్ పోస్ట్‌ను పంచుకున్నారు. అందులో సీనియర్‌గా డాక్టర్ గా కనిపించే ఓ వ్యక్తి యూనిఫాంలో ఉండి పలు సూచనలు చేశారు. డాక్టర్ గుప్తా మాట్లాడుతూ నిర్లక్ష్యానికి అతీతంగా క్యాన్సర్‌తో ఎవరూ చనిపోకూడదన్నారు.
- క్యాన్సర్ ను నివారించేందుకు చక్కెర తీసుకోవడం మానేయడమనేది ఫస్ట్ స్టెప్. దీని వల్ల శరీరంలో క్యాన్సర్ కణాలు సహజంగానే చనిపోతాయి.
- ఒక కప్పు గోరువెచ్చని నీటిలో నిమ్మరసం వేసి 1-3 నెలల పాటు ఉదయం భోజనానికి ముందు తాగితే క్యాన్సర్ పోతుంది. మేరీల్యాండ్ మెడికల్ రీసెర్చ్ ప్రకారం, కీమోథెరపీ కంటే వేడి నిమ్మ నీరు 1వెయ్యి రెట్లు మెరుగైనది, బలమైనది, సురక్షితమైనది.
- ఉదయం, రాత్రి 3 టేబుల్ స్పూన్ల ఆర్గానిక్ కొబ్బరి నూనె తాగితే క్యాన్సర్ పోతుంది.
ఈ విషయాన్ని తాను 5 సంవత్సరాల నుంచి చెబుతున్నానని, ఎవరూ క్యాన్సర్ తో చనిపోకూడదని డా. గుప్తా ఈ వీడియోలో చెప్పారు. జీవితాలను రక్షించడానికి ఈ వీడియోను షేర్ చేయండన్నారు.
ఫ్యాక్ట్ చెక్ టీమ్ ఏం చెప్తుందంటే...
ఈ వీడియో గురించిన సమాచారం కోసం Googleలో రివర్స్-సెర్చ్ చేయగా ఈ వ్యక్తి యొక్క అసలు ఫోటో Facebookలో జూన్ 9, 2019న Aconteceu em Bertioga అనే యూజర్ షేర్ చేసినట్టు తేలింది. కానీ ఈ పోస్ట్‌ డాక్టర్ గుప్తాగా చెప్పుకున్న వ్యక్తి పూర్తి పేరు మాత్రం ఎక్కడా చెప్పలేదు. ఈ పోస్ట్‌లోనూ గుప్తా చెప్పిన విషయాలే ఉన్నట్టు ఫ్యాక్ట్ చెక్ తేల్చింది. ఆ తర్వాత గుప్తా చెప్పిన విషయాల గురించి కూడా క్లారిటీ ఇచ్చింది. అందులో మొదటి ఫ్యాక్ట్ విషయానికొస్తే..
చక్కెర తీసుకోవడం ఆపడం వల్ల క్యాన్సర్ కణాలు చనిపోతాయన్న వాదనను ఫ్యాక్ట్ చెక్ ఖండించింది. యూకే క్యాన్సర్ రీసెర్చ్ ప్రకారం షుగర్-ఫ్రీ డైట్‌ని అనుసరించడం వల్ల క్యాన్సర్ రిస్క్ తగ్గుతుందని, ఆ అవకాశాలను పెంచుతుందని కూడా ఎటువంటి ఆధారాలు లేవని తేల్చింది. ఆ తర్వాత చెప్పిన 'హాట్ లెమన్ వాటర్ కీమోథెరపీ కంటే 1వెయ్యి రెట్లు ఉత్తమం' అనే మాటపై కూడా ఫ్యాక్ట్ చెక్ విచారణ చేపట్టింది. నేషనల్ సెంటర్ ఫర్ హెల్త్ రీసెర్చ్ ప్రకారం ఈ తరహా వాదనలన్నీ అబద్దం అని తేలింది. కీమోథెరపీతో నిమ్మను పోల్చే అధ్యయనాలు ఏవీ లేవని కూడా స్పష్టం చేసింది.
ఆ తర్వాత 'సేంద్రీయ కొబ్బరి నూనె క్యాన్సర్‌కు కారణమవుతుంది' అన్న విషయానికొస్తే.. US ప్రభుత్వ అధికారిక వెబ్‌సైట్ నేషనల్ లైబ్రరీ ఆఫ్ మెడిసిన్‌ ఇచ్చిన సమాచారం ప్రకారం.. శాస్త్రవేత్తలు వివిధ రకాల కొబ్బరి నూనెలతో కొన్ని క్యాన్సర్ కణాలపై పరీక్షలు నిర్వహించారు. ఈ పరిశోధనలో వర్జిన్ కోకోనట్ ఆయిల్ (VCO), స్వచ్ఛమైన కొబ్బరి నూనె (PCO), ఫ్రాక్షనేటెడ్ కొబ్బరి నూనె (FCO) క్యాన్సర్ నిరోధక సామర్థ్యాన్ని కలిగి ఉన్నాయని, క్యాన్సర్ చికిత్సకు, ముఖ్యంగా కాలేయం, నోటి క్యాన్సర్‌కు చికిత్స చేయడానికి ఉపయోగించవచ్చని శాస్త్రవేత్తలు కనుగొన్నారు. కాబట్టి ఈ వాదన కూడా తప్పేనని ఫ్యాక్ట్ చెక్ చెప్పుకొచ్చింది. దాంతో పాటు ఆరోగ్యానికి సంబంధించి వైరల్ అయ్యే ఇలాంటి వార్తలను ఎలాంటి ఆధారాలు లేకుండా పాటించరాదని సూచించింది.
