సిద్దిపేట రూరల్, వెలుగు: సిద్దిపేట పోలీస్ కమిషనర్ రష్మీ పెరుమాల్ పేరుతో కొందరు గుర్తు తెలియని వ్యక్తులు ఫేక్ఫేస్బుక్ అకౌంట్ ను క్రియేట్ చేశారు. ఆ అకౌంట్ నుంచి ప్రజలకు ఫ్రెండ్ రిక్వెస్ట్ లు పంపుతున్న విషయాన్ని గమనించిన సిద్దిపేట సైబర్ క్రైమ్ పోలీసులు సీపీ పేరుతో ఉన్న ఫేక్ అకౌంట్ పట్ల జాగ్రత్తగా ఉండాలని సూచించారు.
ఆ అకౌంట్ నుంచి వచ్చే పోస్టులు, సమాచారంతో పోలీస్ శాఖకు ఎలాంటి సంబంధం లేదని, వచ్చే ఫ్రెండ్ రిక్వెస్ట్లను అంగీకరించవద్దన్నారు. ఫేక్ అకౌంట్ పై ఇప్పటికే సైబర్ క్రైమ్ విభాగంలో రిపోర్ట్ చేశామని, నిందితులను గుర్తించి కఠిన చర్యలు తీసుకునేందుకు దర్యాప్తు కొనసాగుతోందని ఆదివారం సీపీ తెలిపారు.
