- ఆదివారం 69 వేల కుటుంబాల సర్వే పూర్తి
హైదరాబాద్ సిటీ, వెలుగు: గ్రేటర్ హైదరాబాద్ పరిధిలో సమగ్ర ఇంటింటి కుటుంబ సర్వే సాఫీగా సాగుతోంది. రెండో రోజు ఆదివారం అధికారులు స్పీడ్ పెంచారు. శనివారం మందకొడిగా 35 వేల ఇండ్లను సర్వే చేయగా, ఆదివారం 68,624 కుటుంబాల సర్వే పూర్తి చేశారు. సర్వేను కో ఆర్డినేట్కు, మానిటరింగ్చేయడానికి రాష్ట్ర ప్రభుత్వం జోన్ల వారీగా పలువురు ఐఏఎస్అధికారులకు బాధ్యతలు అప్పగించడంతో స్పీడ్పెరిగింది. సర్వే పత్రాలను భద్రంగా నిల్వ చేయడానికి, అవసరమైన సామగ్రి కొనడానికి జోనల్ఫండ్స్ఉపయోగించుకోవచ్చని జోనల్ కమిషనర్లను అడిషనల్కమిషనర్ మంగతాయారు ఆదేశించారు.
పంజాగుట్ట/ఎల్బీనగర్/ఇబ్రహీంపట్నం/జీడిమెట్ల: మధురానగర్లోని తన నివాసంలో హైడ్రా కమిషనర్ రంగనాథ్ తన కుటుంబ వివరాలను ఆయనే స్వయంగా నమోదు చేశారు. ఎల్బీనగర్ సర్కిల్ హయత్ నగర్, సరూర్ నగర్ పరిధిలో జరుగుతున్న సర్వేను జోన్ నోడల్ అధికారి, మున్సిపల్ అడ్మినిస్ట్రేషన్ డిపార్ట్మెంట్ డిప్యూటీ సెక్రటరీ సీహెచ్ ప్రియాంక పరిశీలించారు. సర్వే చేస్తున్న అధికారులకు ప్రజలు సహకరించాలన్నారు. సమగ్ర ఇంటింటి సర్వే 15 రోజుల్లో పూర్తవుతుందని, ఆ తదుపరి 10 రోజులు డేటాను ఆన్లైన్లో ఎంట్రీ చేయనున్నట్లు కలెక్టర్ నారాయణరెడ్డి తెలిపారు.
