రాహుల్గాంధీని ఉద్దేశపూర్వకంగా కించపరిచేలా కామెంట్స్ చేశారని బీజేపీ రాజ్యసభ సభ్యుడు సుబ్రమణ్య స్వామిపై కేసు నమోదు చేసినట్లు చత్తీస్గఢ్పోలీసులు చెప్పారు. కాంగ్రెస్ నేతల కంప్లైంట్ మేరకు ఆయనపై ఐపీసీ 504, 505, 511 సెక్షన్ల కింద ఎఫ్ఐఆర్ నమోదు చేశామన్నారు. రాహుల్గాంధీకి కొకైన్ తీసుకునే అలవాటు ఉందని స్వామి ఆరోపించారు. దీనిపై కాంగ్రెస్ పార్టీ నేతలు మండిపడ్డారు. స్వామి ఆరోపణలు నిరాధారమని మండిపడ్డారు. తప్పుడు ఆరోపణలని తెలిసీ రాహుల్ను నవ్వులపాలు చేయడానికే స్వామి ఈ కామెంట్స్చేశారని జాష్పూర్జిల్లా ప్రెసిడెంట్పవన్అగర్వాల్ పోలీసులకు కంప్లైంట్చేశారు. స్వామి స్టేట్మెంట్తో పార్టీల మధ్య, ప్రజల మధ్య విద్వేషం రేగే ప్రమాదం ఉందని హెచ్చరించారు. కార్యకర్తలను రెచ్చగొట్టే ప్రయత్నమని ఆరోపించారు. ఏ రకంగా చూసినా సుబ్రమణ్య స్వామి స్టేట్మెంట్ఆమోదయోగ్యం కాదని, దానిని తీవ్రంగా ఖండిస్తున్నామని పార్టీ చత్తీస్గఢ్అధికార ప్రతినిధి శైలేష్నితిన్త్రివేది పేర్కొన్నారు. ఆ వ్యాఖ్యలు రాహుల్గాంధీతో పాటు కాంగ్రెస్పార్టీ మొత్తానికీ అవమానకరమని చెప్పారు.
