ఎండాకాలం వచ్చిందంటే చాలు.. ఎలక్ట్రిక్ వెయికిల్ అయినా పెట్రోల్, డీజిల్ వెయికిల్స్ ఏవైనా మంటలు చెలరేగుతున్నాయి. వేసవి కాలం ప్రారంభంలోనే ఎండలు దంచికొడుతున్నాయి. కాబట్టి ఎందుకైనా మంచిది వాహనదారులు అలర్ట్ గా ఉండాలి. కారణాలు ఏవైనా ఈ మధ్య రోడ్డపైనే రన్నింగ్ లో ఉండగానే కారు, ద్విచక్ర వాహనాల్లో మంటలు చెలరేగుతున్న ఘటనలు ఎక్కువగా జరుగుతున్నాయి. తాజాగా హైదరాబాద్ చందానగర్ పొలీస్ స్టేషన్ పరిధిలో 2024 మార్చి 19 మంగళవారం ఓ పెట్రోల్ బంక్ ముందు రోడ్డుపై కారు తగలబడిపోయింది.
ఉన్నట్టుండి కారులో ఒక్కసారిగా మంటలు చెలరేగాయి. అప్రమత్తమైన ప్రయాణికులు కారు దిగడంతో ప్రమాదం తప్పింది. ఆ తర్వాత కారులో నుంచి దట్టంగా పొగలు వ్యాపించి... చూస్తుండగానే కారు పూర్తిగా కాలిపోయింది. సమాచారం అందుకున్న అగ్నిమాపక సిబ్బంది.. కారును జేసీబీ సహాయంతో ఘటనా స్థలం నుంచి తీసుకెళ్లారు. లేటెస్ట్ గా హైదరాబాద్ లక్డీకపూల్ లో ఇలాంటి ఘటనే జరిగింది.
