ఒట్టోవా: కెనడాలో ప్రముఖ బాలీవుడ్ కమెడియన్ కపిల్ శర్మ కేఫ్పై దుండగులు కాల్పులు జరిపారు. గురువారం (ఆగస్ట్ 7) రాత్రి జరిగిన ఈ దాడికి లారెన్స్ బిష్ణోయ్ గ్యాంగ్ బాధ్యత వహించింది. కపిల్ శర్మ కేఫ్పై మేమే కాల్పులు జరిపామని ప్రకటించుకుంది. ఈ దాడికి సంబంధించి తాజాగా ఓ ఆడియో క్లిప్ వెలుగులోకి వచ్చింది. కపిల్ శర్మ కేఫ్పై ఎందుకు దాడి చేశామనేది ఆడియోలో వివరించాడు లారెన్స్ బిష్ణోయ్ గ్యాంగ్ సభ్యుడు, గ్యాంగ్‌స్టర్ హ్యారీ బాక్సర్.
‘‘కపిల్ శర్మ వ్యాఖ్యాతగా వ్యవహరిస్తున్న 'ది గ్రేట్ ఇండియన్ కపిల్ షో' సీజన్ 3కి బాలీవుడ్ యాక్టర్ సల్మాన్ ఖాన్ను చీఫ్ గెస్ట్గా పిలిచారు.. ఇది నచ్చకే కపిల్ శర్మ కేఫ్పై రెండుసార్లు కాల్పులు జరిపాం. సల్మాన్‌తో కలిసి పనిచేసే ఏ దర్శకుడు, నిర్మాత లేదా యాక్టర్లు ఎవరైనా సరే మేము ఎవరినీ వదిలిపెట్టం. వారిని ఛాతీపై కాల్చి చంపుతాం. వారిని చంపడానికి ఎంతకైనా తెగిస్తాం’’ అని సల్మాన్ ఖాన్ తో కలిసి పని చేయొద్దని వార్నింగ్ ఇచ్చాడు హ్యారీ బాక్సర్.
Also Read : అదిరిపోయిన ‘జడల్’అప్డేట్
కాగా, 2025, జూన్ 21న నెట్‌ఫ్లిక్స్‌లో ప్రీమియర్ అయిన 'ది గ్రేట్ ఇండియన్ కపిల్ షో' సీజన్ 3 మొదటి ఎపిసోడ్‌కు సల్మాన్ ఖాన్ ముఖ్య అతిథిగా వచ్చిన విషయం తెలిసిందే. 1998లో బిష్ణోయ్ సమాజం గౌరవించే కృష్ణ జింకను సల్మాన్ ఖాన్ వేటాడని ఆరోపణలు ఉన్నాయి. అప్పటి నుంచి బిష్ణోయ్ వర్గం సల్మాన్ ఖాన్పై పగ పెంచుకుంది. ఇప్పటికే పలుమార్లు సల్మాన్ ఖాన్ను చంపేందుకు ప్రయత్నాలు చేసింది లారెన్స్ బిష్ణోయ్ గ్యాంగ్.
