వంట.. ఎంత టేస్ట్ గా ఉంటే అంత ఆరోగ్యం. అంతేకాదు.. కిటుకులు తెలిస్తే.. మరింత రుచిగా.. సుచిగా వస్తుంది. చిన్న చిన్న టిప్స్ తో.. వంటింట్లోని వంటలను మరింత టేస్టీగా తయారు చేసుకునే కొన్ని చిట్కాలను ఇప్పుడు తెలుసుకుందాం...
- గుడ్లు ఉడకబెట్టేటప్పుడు పగిలిపోయి వాటిల్లోని సొన బయటికి వచ్చేస్తుంటుంది. అలా కాకూడదంటే ఎగ్స్ ఉడకబెట్టే ముందు చిటికెడు ఉప్పుతో పాటు ఒక టీ స్పూన్ నూనె వేయాలి.
- ఏదైనా శ్నాక్ లేదా కూర డీప్ ఫ్రై చేసేముందు నూనెలో కొంచెం ఉప్పు వేయాలి. దీనివల్ల వంటకాలు నూనె ఎక్కువ పీల్చుకోవు.
- చింతపండు ఎక్కువ రోజులు నిల్వ ఉండాలంటే జిప్ లాక్ బ్యాగ్ లేదా గాలి చొరబడని డబ్బాలో పెట్టి ఫ్రిజ్లో చేయాలి.
- కుక్కర్లో పప్పు వండేటప్పుడు అందులో కొంచెం నూనె వేయాలి. అలాగే కుక్కర్ మూతకి లోపలి వైపు కూడా నూనె రాయాలి. దీనివల్ల పప్పు బయటికి పొంగదు.
- బెండకాయలు తరిగేటప్పుడు కత్తికి జిగురు అంటుకోవద్దంటే నిమ్మకాయ చెక్కతో కత్తిని రుద్ది, న్యాప్ కిన్ తో తుడవాలి.
- క్లాత్ లో కొన్నిబియ్యం మూటగట్టి కాఫీ పౌడర్ డబ్బాలో వేస్తే పౌడర్ గడ్డకట్టదు.
- ఉప్మారవ్వని బాగా వేగించి గాలి చొరబడని డబ్బాలో పెడితే ఎక్కువ రోజులు నిల్వ ఉంటుంది
- చక్కెరకి చీమలు పట్టకూడదంటే .. చక్కెరడబ్బాలో కొన్ని లవంగాలు వేయాలి.
- రెండు కప్పుల గోధుమ పిండిలో రెండు టేబుల్ స్పూన్ల బొంబాయి రవ్వ కలిపి పూరీలు చేస్తే క్రిస్పీగా వస్తాయి. బాగా పొంగుతాయి కూడా.
ALSO READ: Health Tip : అరటి పండ్లు తింటే వెంట్రుకలు గట్టిగా ఉంటాయా..!
