శీతల పానీయాల గురించి ఇప్పటివరకు మీరు వాటి వల్ల కలిగే నష్టాలు, ప్రతికూల విషయాల గురించే విని ఉంటారు. ఈ పానీయాల వల్ల ప్రజలకు ఎలాంటి ప్రయోజనం ఉండదని, వాటి వల్ల వ్యాధులు వస్తాయని పలువురు చెబుతూ ఉంటారు కూడా. అంతే కాదు నిజంగా చెప్పాలంటే శీతల పానీయాల వల్ల ఊబకాయం, శరీరంలో చక్కెర శాతం పెరగడం జరుగుతాయని, కాబట్టి వాటిని చాలా తక్కువ పరిమాణంలో తీసుకోవడం మంచిది. అయితే ఇరాన్‌లో నివసిస్తున్న ఓ వ్యక్తి మాత్రం పదిహేడేళ్లుగా శీతల పానీయాలు మాత్రమే తాగుతున్నాడు. అంతే కాదు అతను ఎలాంటి వ్యాధులూ లేవు.. ఎలాంటి అనారోగ్యమూ చేయకపోవడం గమనార్హం.
ఇరాన్ నివాసి ఘోలమ్రేజా అర్దేషిరి అనే వ్యక్తి గత పదిహేడేళ్లుగా తన నోట్లో కనీసం ఒక్క ధాన్యం గింజ కూడా వేయలేదని చెబుతున్నారు. అతను రోజంతా పెప్సీ లేదా సెవెన్ అప్ మాత్రమే తాగుతూ గడుపుతానని, తాను ఇప్పటికీ సజీవంగానే కాకుండా ఆరోగ్యంగా కూడా ఉన్నానని చెబుతున్నారు. అతను చివరిసారిగా 2006లో ఆహారం తీసుకున్నాడు. కానీ అతనికి ఆహారం మీద ప్రత్యేక ఆసక్తి లేదు. దీంతో కోల్డ్రింక్స్‌కు దారి మరల్చినట్టు తెలుస్తోంది.
కేవలం శీతల పానీయం మాత్రమే జీర్ణమయ్యేది
ఘోలమ్రేజా తన వింత పరిస్థితిని ప్రజలతో ఇలా పంచుకున్నారు. తన కడుపు శీతల పానీయాలను మాత్రమే జీర్ణం చేస్తుందని అతను చెప్పారు. అతను వేరే ఏదైనా తినడానికి ప్రయత్నిస్తే, వాంతులు చేస్తాయని తెలిపారు. ఈ డ్రింక్స్ తాగితే తనకు ఎలాంటి ఇబ్బంది ఉండదని, వృత్తిరీత్యా ఫైబర్‌గ్లాస్ రిపేర్ చేసే ఘోలమ్రేజా.. తాను 2006లో చివరి సారిగా భోజనం తిన్నానని, అప్పటి నుంచి కేవలం శీతల పానీయాలు మాత్రమే తీసుకుంటున్నట్టు వెల్లడించారు.
కారణం కనుక్కోలేకపోయారు
ఘోల్‌మర్జా చెప్పిన ప్రకారం, అతను కొంచెం ఆహారం తిన్నా.. వెంటనే వాంతులు అవుతాయి. తన నోటిలో వెంట్రుకలు పోయినట్లు అనిపిస్తుంది. అతను మింగిన ఆహారం, అన్నీ బయటకు వస్తాయి. ఈ కారణంగా, అతను వైద్యుల వద్దకు వెళ్లినా ఫలితం లేకపోయింది. ఇదంతా ఘోలమ్రేజా మైండ్ గేమ్ అంటున్నారు వైద్యులు. ఆహారం తిన్నప్పుడల్లా నోటిలో వెంట్రుకలు వస్తాయని భావించడం వల్ల ఆహారం జీర్ణం కావడం లేదు. ఘోలమ్రేజా ప్రకారం, అతనికి శీతల పానీయాల వల్ల అలాంటి సమస్య లేదు. దీనివల్ల గత పదిహేడేళ్లుగా శీతల పానీయం తాగి బతికే ఉన్నాడు.
