వికారాబాద్, వెలుగు: వికారాబాద్ జిల్లాలో ఎకో టూరిజం అభివృద్ధి పనులను రాష్ట్ర అటవీ శాఖ ప్రిన్సిపల్ చీఫ్ కన్జర్వేటర్ డాక్టర్ సి. సువర్ణ ఆదివారం పరిశీలించారు. నగర్ వన్ యోజన పథకం కింద జిల్లాలో అప్పాయిపల్లి, జాఫర్పల్లి, గొట్లపల్లి, అనంతగిరి, బొమ్మరాసిపేట వద్ద అర్బన్ పార్కులను అభివృద్ధి చేస్తున్నట్లు చెప్పారు.
ఇటీవల మోత్కుపల్లిలోని ప్రైవేటు క్వారీలో రాక్ ఈగిల్- ఔల్ను గుర్తించిన వైల్డ్లైఫ్ ఫొటోగ్రాఫర్ మనోజ్ విట్టేపు, క్వారీ పనులు నిలిపివేసి ఆ పక్షిని రక్షించిన క్వారీ యజమాని ఎన్. లక్ష్మారెడ్డిని ప్రశంసిస్తూ ప్రశంసా పత్రాలు అందజేశారు. ఆమె వెంట కలెక్టర్ ప్రతీక్ జైన్, ఎస్పీ స్నేహ మెహ్రా, జిల్లా అటవీ శాఖ అధికారి జి. జ్ఞానేశ్వర్, వికారాబాద్ రేంజ్ ఆఫీసర్ శ్యామ్ కుమార్ పాల్గొన్నారు.
