కామారెడ్డి, వెలుగు: బీఆర్ఎస్ మేనిఫెస్టోను ప్రజలు నమ్మే స్థితిలో లేరని మాజీ మంత్రి, కాంగ్రెస్ నేత షబ్బీర్అలీ విమర్శించారు. కామారెడ్డి నియోజకవర్గంలోని భిక్కనూరు మండలం అంతంపల్లి, మాచారెడ్డి మండలం కాకుల గుట్ట తండా, ఎల్లంపేటకు చెందిప పలువురు బీఆర్ఎస్, బీజేపీ పార్టీల నుంచి ఆదివారం షబ్బీర్అలీ సమక్షంలో కాంగ్రెస్లో చేరారు.
ఈ సందర్భంగా ఆయన మాట్లాడుతూ.. కాంగ్రెస్పార్టీ మేనిఫెస్టో రిలీజ్చేస్తే సాధ్యం కాని హామీలు ఇచ్చారని మాట్లాడిన కేటీఆర్, మరి కేసీఆర్ రిలీజ్చేసిన మేనిఫెస్టోపై కూడా స్పందించాలన్నారు. పదేండ్లు అధికారంలో ఉండి గతంలో ఇచ్చిన హామీలను నేరవేర్చని కేసీఆర్, ఇప్పుడు మళ్లీ మేనిఫెస్టో ప్రకటించారని.. ప్రజలు నమ్మే పరిస్థితి లేదన్నారు. నిరుద్యోగ భృతి, ఇంటికో ఉద్యోగం, కేజీ టూ పీజీ, డబుల్ బెడ్రూం ఇండ్లు ఏమయ్యాయని ప్రశ్నించారు. కేసీఆర్కు రాజకీయాల నుంచి రిటైర్మెంట్ఇవ్వడానికి ప్రజలు రెడీగా ఉన్నారన్నారు.
ప్రజలను మభ్యపెట్టేందుకు బీఆర్ఎస్ కొత్త జిమ్మిక్కులతో ముందుకొస్తుందన్నారు. బీఆర్ఎస్ మేనిఫెస్టో ప్రకటించిన తర్వాత ప్రతిపక్ష పార్టీలు ఖాళీ అవుతాయని మంత్రులు కేటీఆర్, హరీశ్రావ్ కామెంట్ చేశారని, కానీ ఇప్పుడు ఆ పార్టీయే ఖాళీ అయ్యే పరిస్థితి ఏర్పడిందన్నారు.
