- పింక్ సిటీలో మెగా రోడ్ షో
- యూపీఐ చెల్లింపులతో షాపింగ్
- చారిత్రక కట్టడాలను సందర్శించిన ఫ్రాన్స్ అధ్యక్షుడు
న్యూఢిల్లీ : ఢిల్లీలో నిర్వహించే ఛబ్బీస్ జనవరి వేడుకల్లో చీఫ్ గెస్ట్గా పాల్గొనేందుకు ఫ్రాన్స్ ప్రెసిడెంట్ ఇమ్మాన్యుయేల్ మెక్రాన్ ఇండియాకు వచ్చారు. రెండు రోజుల పర్యటనలో భాగంగా రాజస్థాన్ రాజధాని జైపూర్కు గురువారం మధ్యాహ్నం చేరుకున్నారు. విదేశాంగ మంత్రి జైశంకర్, గవర్నర్‌ కల్‌‌‌‌రాజ్‌ మిశ్రా, సీఎం భజన్లాల్ శర్మ ఎయిర్ పోర్ట్లో మెక్రాన్కు ఘన స్వాగతం పలికారు. ఆ తర్వాత ప్రధాని నరేంద్ర మోదీ కూడా ఉత్తర్ప్రదేశ్లోని బులంద్షహర్ నుంచి జైపూర్ చేరుకున్నారు. మోదీ రాకముందు.. కేంద్ర మంత్రి జైశంకర్, సీఎం భజన్లాల్ శర్మతో కలిసి మెక్రాన్ జైపూర్ ఎయిర్ పోర్టు నుంచి నేరుగా అంబర్ ప్యాలెస్ వెళ్లారు. అక్కడ రెడ్ కార్పెట్ వేసి... ఏనుగుల అంబారీలతో గ్రాండ్ వెల్కమ్ చెప్పారు. తర్వాత అక్కడి పురాతన కట్టడాలను పరిశీలించారు. వాటికి సంబంధించిన చరిత్ర, ప్రాముఖ్యతను అధికారులు మెక్రాన్కు వివరించారు. తర్వాత అక్కడి నుంచి యునెస్కో ప్రపంచ వారసత్వ సంపదగా గుర్తింపుపొందిన ‘జంతర్మంతర్’కు వెళ్లారు. అక్కడే ప్రధాని నరేంద్ర మోదీతో ఇమ్మాన్యుయేల్ మెక్రాన్ భేటీ అయ్యారు. జంతర్ మంతర్ విశిష్టతను అడిగి తెలుసుకున్నారు.
మెగా రోడ్షోలో ఇరు దేశాల నేతలు
మోదీ, మెక్రాన్ కలిసి జంతర్ మంతర్ నుంచి సంగనేరి గేట్ వరకు నిర్వహించిన రోడ్షోలో పాల్గొన్నారు. మధ్యలో ఉన్న హవా మహల్ను కూడా సందర్శించారు. హవా మహల్ ప్రాముఖ్యతను మెక్రాన్కు మోదీ వివరించారు. అక్కడే ఉన్న ‘సాహు’ టీ షాప్లో ఇద్దరూ కలిసి జైపూర్ స్పెషల్ మసాలా చాయ్ తాగారు. తర్వాత హవా మహల్ వద్ద ఉన్న కొన్ని స్టాల్స్ను సందర్శించారు. డిజిటల్ ఇండియాలో భాగంగా.. యూపీఐ ద్వారా డబ్బులు చెల్లించి కొన్ని కళాఖండాలను కొనుగోలు చేశారు. కొంత మంది వ్యాపారులు, చిన్నారులతో మెక్రాన్ ఇంటరాక్ట్ అయ్యారు. తర్వాత మోదీ, మెక్రాన్ అక్కడి నుంచి నేరుగా రాంబాగ్ ప్యాలెస్ హోటల్కు చేరుకున్నారు. ఇద్దరూ కలిసి డిన్నర్ చేసి చర్చలు జరిపారు. అనంతరం మోదీ, మెక్రాన్ కలిసి జైపూర్ నుంచి ఢిల్లీ బయలుదేరి వెళ్లిపోయారు.
