- ధరలకు అనుగుణంగా జీతాలు పెంచాలని డిమాండ్
పద్మారావునగర్, వెలుగు: మూడు నెలలుగా జీతాలు రావడం లేదని, పెరిగిన ధరలకు అనుగుణంగా శాలరీలు పెంచాలని గాంధీ ఆస్పత్రి కాంట్రాక్ట్ సిబ్బంది డిమాండ్ చేశారు. దేశవ్యాప్త సమ్మె లో భాగంగా రెండోరోజు మంగళవారం మెడికల్ ఎంప్లాయీస్యూనియన్ ఆధ్వర్యంలో ఆందోళన చేపట్టగా పేషెంట్కేర్, శానిటేషన్ సిబ్బంది పాల్గొన్నారు. ఈ సందర్భంగా ఏఐటీయూసీ నాయకులు మాట్లాడుతూ ప్రభుత్వ ఆస్పత్రుల్లోని కార్మికుల హక్కుల సాధనకు పోరాడుతామన్నారు. కాంట్రాక్ట్ కార్మికుల సమస్యలను వెంటనే పరిష్కారించాలని , లేదంటే ఆందోళన ఆపమని వారు హెచ్చరించారు. ఈ ధర్నాలో యూనియన్ నాయకులు పుల్లయ్య, అమర్ సింగ్, సిబ్బంది పాల్గొన్నారు.
