న్యూఢిల్లీ: గ్లాండ్ ఫార్మా లిమిటెడ్ లాభం సెప్టెంబర్తో ముగిసిన రెండో క్వార్టర్లో 20.14 శాతం తగ్గిపోయింది. ఈ క్వార్టర్లో కంపెనీకి రూ. 241.24 కోట్ల లాభం వచ్చింది. అమ్మకాలు తగ్గడంతోపాటు, ఖర్చులు పెరగడం వల్లే లాభాలు తగ్గినట్లు కంపెనీ తెలిపింది. అంతకు ముందు ఏడాది రెండో క్వార్టర్లో గ్లాండ్ పార్మాకు రూ. 302.08 కోట్ల లాభం వచ్చింది. సెప్టెంబర్ 2022 క్వార్టర్లో మొత్తం ఆదాయం రూ. 1,044.40 కోట్లని, సెప్టెంబర్ 2021 క్వార్టర్లో ఇది రూ. 1,080.47 కోట్లుగా ఉందని కంపెనీ రెగ్యులేటరీ ఫైలింగ్లో పేర్కొంది. ఖర్చులు అంతకు ముందు ఏడాది రెండో క్వార్టర్లోని రూ. 731 కోట్ల నుంచి తాజా సెప్టెంబర్ క్వార్టర్లో రూ. 785.95 కోట్లకు పెరిగినట్లు వివరించింది.
యూఎస్, యూరప్, కెనడా, ఆస్ట్రేలియా మార్కెట్ల నుంచి ఆదాయం 3 శాతం పెరిగి రూ. 747.5 కోట్లయిందని కంపెనీ తెలిపింది. దేశీయ మార్కెట్ రెవెన్యూ మాత్రం ఏకంగా 42 శాతం పడిపోయి రూ. 72.6 కోట్లకే పరిమితమైందని గ్లాండ్ ఫార్మా పేర్కొంది. తమ కొత్త ప్రొడక్టులకు పోటీ పెరిగిందని, కాకపోతే మరిన్ని కొత్త ప్రొడక్టులు పైప్లైన్లో ఉన్నాయని కంపెనీ తెలిపింది. బయోసిమిలర్స్ బిజినెస్లో గ్రోత్కు మంచి అవకాశాలున్నాయని గ్లాండ్ పార్మా సీఈఓ శ్రీనివాస్ సాదు చెప్పారు.
